ل دووڤ ئه‌نجامێن پشكـنینان ئه‌م بڕیارا ئه‌نجـامـدانا نشته‌رگـه‌ریان دده‌ین
تایبه‌تمه‌نده‌كێ بێهۆشكرنێ دیاردكه‌ت ده‌مێ نه‌خۆش دهێت ب تایبه‌تی ژی ئەگەر پێدڤی ب بێهۆشکرنێ بیت بو هەر جورە نشتەرگەریەکێ، به‌ری دانا په‌نجێ نەخۆش دهێته دیتن و پشکنینکنر ژلایێ تایبەتمەندێ بێهۆشکرنێ ڤە، هه‌كه كێماسه‌ك هه‌بیت ئه‌م نشته‌رگه‌ریێ بو نه‌خۆشی ناكه‌ین و پێدڤیه هه‌موو نه‌خۆشیێن وی دكۆنترولكری بن پاشی په‌نج دهێته دانان.
د. مێڤان جه‌میل، تایبه‌تمه‌ندێ بێهۆشكرنێ دیاركر كو ل دووڤ ئه‌نجامێ پشكنینان و حالە تێ نەخۆشی ئه‌م كاردكه‌ین، چونكو چه‌ند جۆرێن په‌نجێ هه‌نه، بو نمونە پەنجکرنا (گشتی، نیڤ، پەنج پەنجکرنا خوجهی، پەنجکرنا دەمارێن هەستکرنێ) و دەستنیشانکرنا ڤان جورە پەنجا ل دووڤ حالەتێ نەخۆشی و جورێ نشتەرگەریێ دهێتەکرن، و گۆت: پشتی پشکنینێن نەخۆشی دهێنە دیتن ژلایێ نۆشدارێ تایبەتمەندێ بێهۆشکرنێ ڤە، دگەل دیتنا پشکنینێن وی، ئەگەر دیاربو نەخۆشی نەخۆشیەکا دکمەن یان دومدرێژ هەبیت، و چارەسەریا خو دروست نەکربیت یان ئەگەر پشکننێن وی تشتەکێ نەیێ نورمال دیار بو، تایبەت بو وان نشتەرگەریێن سار، پێدڤیە نشتەرگەریا نەخۆشی بهێتە پاشئێخستن ب مەرەما هندێ بهێتە دیتن ژلایێ نۆشدارێ تایبەتمەند ڤە ل دووف حالەتێ نەخۆشی، ژ پێخەمەت کۆنترۆلکرن و چارەسەرکرنا حالەتێ نەخۆشی، وگوتژی: گەلەک نەخۆش هەنە هندەک جورێن چارەسەریا بو هندەک نەخۆشیێن دی وەردگرن، وەک نەخۆشیێن (دەروونی و دلی و بهێنتەنگیێ و گۆلچیسکا) هتد .. پێدڤیە هندەک ژوان جورێن چارەسەریا دەمەکی بەری نشتەرگەریێ بهێنە راوەستاندن، و هندەک تا رۆژا نشتەرگەریێ د بەردەوام بن، هەروەسا ئەو نەخۆشێن گەلەک جگارا دکێشن پێدڤیە بو ماوەیەکی بەری نشتەرگەریێ ب راوەستینن.
د.مێڤان جمیل، ئاشكرا كر كو نشته‌رگه‌ری د ژێكجۆدانه بو، هندەک نشتەرگەری پێدڤیە بلەز بهێنەکرن چونکو مەترسی ل سەر ژیان نەخۆشی هەیە، و ئەگەر زوی نەهێتەکرن رەنگە ژیانا خو ژ دەست بدەت، بو نمونە نەخۆشەکێ توشێ روودانەکێ بیت و خۆینبەربونەکا مەزن بو دروستبیت، بو ڤان جورێن نشتەرگەریا وەک نۆشدار نەشێن خو بگرن هەتا پشکنینێن وی ب دەرکەڤن یان نەخۆشیەکا دومدرێژ نەهاتبیتە کۆنترولکرن، و ئەو دەم نینە و دێ هێتە نشتەرگەری کرن، جورەکێ دی یێن نشتەرگەریا هەیە کو راستە نەخۆش پێدڤیە بەلێ نشتەرگەریەکا بلەز نینە، ئەف جورێن نشتەرگەریا دانێ سپێدێ ل هەمی نەخۆشخانا ل دیف تایبەتمەندیا خو دکەن، بو ڤان جورە نشتەرگەریان ئەگەر کێماسیەک د پشکنینا دا هەبیت، یان حالەتێ نەخۆشی یێ هاریکارنەبیت بو دانا پەنجێ ژبەر هەر ئەگەرەکی، پێدڤە ئەف نشتەرگەریە بهێتە پاشئێخستن.
