ل دھۆکێ ب تنێ ده‌نگێن ئاواران دێ ب دەست ھێنە ھژمارتن
ئەڤرۆ نيوز:
بەرپرسێ نڤیسینگەھا ھەلبژارتنێن پارتی دیموکراتی کوردستان ل دھۆکێ راگەھاند، ل دھۆکێ ھژمارا تۆمارکرنا سکالایان گەلەک یا کێم بوویە، ئەڤە ژی بوویە ئەگەر کو دەنگ ل دھۆکێ ب دەست نەھێنە ھژمارتن، ب تنێ دەنگێن ئاوارێن مووسلێ ل دھۆکێ کو چەند سندوقەکن دێ ب دەست ھێنە ھژمارتن.
خالد ئەحمەد، بەرپرسێ نڤیسینگەھا ھەلبژارتنێن پارتی دیموکراتی کوردستان ل دھۆکێ بۆ ئەڤرۆ دیار کر، دەنگێن ھژمارەکا زۆر یا ئاواران ل دھۆکێ ھەتا نھا نەھاتینە ھژمارتن و کۆمسیۆنێ بڕیار دایە کو ب تنێ دەنگێن ئاوارێن ل دھۆکێ دەنگ دای جارەکا دی ب دەست بھێنە ھژمارتن و ئەڤە ژی دێ بیتە ئەگەر کو دەنگێن پارتی ل دھۆکێ زێدەتر لێ بھێن.
خویا ژی کر، کۆمسیۆنا بلندا سەربخوە یا ھەلبژارتنان بڕیار دایە ب تنێ دەنگ ل وی جھی ب دەست بھێنە ھژمارتن، ئەو جھێ گەلەک سکالا لێ ھاتبنە تۆمارکرن و ل دھۆکێ ژی ئەڤ تشتە نینە و گۆت: “ل دھۆکێ نێزیکی 50 سندۆقان دێ ب دەست ھێنە ھژمارتن، ئەز باوەر ناکەم چو گورانکاری د سەر کورسیێن پارتی دا ل دھۆکێ بھێن”.