ل دۆر ئەدەبێ كلاسیك پەنەلەك ل ئامێدیێ برێڤەچوو و چار پرتووك هاتنە ئیمزاكرن
ب پشتەڤانی و بەرهەڤبوونا د. عەلی تەتەر، پارێزگارێ دهۆكێ و ب بەرهەڤبـوونا وارشین سەلمان، دڤەردارێ ئامێدیێ و بەرەڤان حەمدی، بەرپرسێ لقێ 18 یێ پارتی و هەژمارەكا رێڤەبەر و بــــەرپـــرسێن دام و دەزگەهێن میری و مامۆستا و رەوشەنبیران، دەڤـەرداریا ئامێــدیێ ب هەڤكاری ل گەل رێڤەبەریا رەوشەنبیری و هونـــــەری ل دهۆكێ و ل ژێـــر درووشمێ «ئەدەبێ كلاسیك هێڤێنێ گەشەكرنێ یە» ل هولا پەیمانگەها تەكنیكی یا ئامێدیێ پەنەلەك برێڤەچوو.
ئەڤ پەنلە ب هەلكەفتا چاپـــــكرنا چار دیوانێن هەلبەستێن كلاسیكێن كەڤن هاتە برێڤەبرن.
پەنەلێ ئەدەبی بــۆ مامۆستایان (عەبدوللا دەمیر، محەمەد خالد سادینی و تەحسین ئیبراهیم دۆسكی) هاتە سازكرن و ل دوماهیێ ژی هەر چار دیوان هاتنە ئیمزاكرن و ل سەر بەرهەڤبوویان هاتنە بەلاڤكرن.
