ل دێره‌لۆكێ به‌رهه‌ڤی بۆ دروست نه‌بوونا له‌هیان دهێنه كرن
ئامێدیێ، محمود نهێلی:
سه‌رۆكێ باژێرڤانیا دێره‌لۆكێ بۆ رۆژناما ئه‌ڤرۆ دیار كر، وان هه‌موو به‌رهه‌ڤی ژ پێخه‌مه‌ت رێگریكرنێ ژ دروستبوونا له‌هیان د ده‌مێ بارینا بارانێن زۆر دا كرینه.
ئه‌ندازیار عه‌بدولمه‌ناف ره‌شید، سه‌رۆكێ باژێرڤانیا دێره‌لۆكێ خویا كر، ل هه‌موو سالان، ل ده‌ستپێكا وه‌رزێ بارانبارینێ و پاییزێ ئه‌و به‌رهه‌ڤیێن خوه دكه‌ن ژ بو وێ یه‌كێ له‌هی دروست نه‌بن و گۆت: “ئه‌ڤ ساله ژی ب مه‌ره‌ما رێگریكرنێ ل درووستبوونا له‌هیان مه هه‌موو ئه‌و سولین و كه‌ناله پاقژ كرینه یێن دبنه ئه‌گه‌ر كو لێ ب په‌نگیێت و له‌هی دروست ببن”.
ئاشكرا ژی كر، ل ده‌مێ رابوونا ئاڤا رووبارێ سپنه ژی گه‌له‌ك جاران له‌هی دروست بووینه و بوویه ئه‌گه‌رێ ژ ناڤچوونا پران، لێ خوشبه‌ختانه ئه‌و پرا به‌ری ساله‌كێ ژ ئه‌نجامێ له‌هیان ژناڤچووی، ئه‌ڤ ساله دوباره یا ب ره‌نگه‌كی باشتر و بلنتر دهێته دروستكرن كو نه‌كه‌ڤیته به‌ر له‌هیان و رابوونا ئاڤێ و گۆت: “زێده‌باری ڤێ یه‌كێ تیمێن مه و یێن بنگه‌هێ به‌ره‌ڤانیا باژێری د ئاماده‌باشیێ دانه بۆ رێگریكرن ل دروستبوونا هه‌ر حاله‌ته‌كێ چاڤه‌رێ نه‌كری”.
