ل دێره‌لۆكێ نانپێژیه‌ك دهێته سزادان
ئه‌ڤرۆ نیوز،ئامێدیێ، مه‌حمود نهێلى:
ژ به‌ر نه‌پێگرى كرن ب رێنمایان لژنا دووڤچونا بازارى ل دێره‌لۆك نانپێژیه‌ك ب كۆژمه‌كى پاراى سزدا و هه‌ژماره‌كا دن ژى یان نانپێژیا سوزنامه ل سه‌ر هاتنه چێكرن.
سامى ئوشانه رێڤه‌به‌رێ ناحیا دێره‌لۆك بۆ ئه‌ڤرۆ نیوز دیاركر، به‌رده‌وام لژنا دووڤچونا بازارى ل دێره‌لۆك ب سه‌ر بازارى دگه‌ریت ژ پێخه‌مه‌ت پاراستنا ساخله‌میا هاولاتیان و گۆت: لژنا دووڤچونا بازارى پشتى لێگه‌ریانێ ل سه‌ر نانپێژى و سه‌مونخانێن ده‌ڤه‌رێ ئێك نانپێژى سزا دان و هه‌ژماره‌كا دن ژى یا نانپێژیا هاتنه گازى كرن بۆ بنگه‌هێ پولیسان داكو سوزنامه پێ بهێنه پركرن و هه‌موو رێنمایان بجه بینن بتایبه‌تى ژى ژلایێ ساخله‌میێ ڤه.
