ل دێرەلوکی کافیەک هاتە داخستن
ئەڤرۆ نیوز، مەحمود نهێلی:
ژ بەر نەپێگری کرن ب رێنمایان لژنا دووڤچوونا بازاری ل دێرەلۆکی کافیەک داخست .
سامی ئوشانە رێڤەبەرێ ناحیا دێرەلۆک بو ئەڤرۆ نیوز دیارکر، لژنا وان بەردەوام دووڤچوونا بازاری ل سنورێ ناحیا دێرەلۆک دکەن. و گۆت: (لژنا مە یا دووڤچونا بازاری ل شەڤا پێنج سەر شەشێ ڤێ هەیڤێ سەرا کافیێن سنورێ ناحیا دێرەلۆک دا و پشتی لێگەریانێ چەند کافیەکان کێماسی تێدا هەبوون و هاتنە ئاگەهدارکرن کو هەکە ل دووف رێنمایان کار نەکەن دێ هێنە سزادان).
ناڤهاتی دیار ژی کر، ژ بەر نە پێگری کرن ب رێنمایان بریار هاتە دان کافیەک ل سەنتەرێ ناحیا دێرەلۆک بهێتە داخستن، و دێ یا داخستی بیت تا هەموو رێنمایان بجه دئینیت.
