ل دێرەلوکێ مارکێتەک و گۆشتفروشەک هاتنە سزادان
ئەڤرۆ نیوز، مەحمود نهێلی:
د لێگەریانەکی دا ل بازارێ دێرەلۆک، لژنا دووڤچونا بازاری مارکێتەک و گۆشتفروشەک ئەڤ شەڤە ۱٤/۳/۲۰۲۰ ب کوژمەکی پارەی سزادان.
سامی ئوشانە رێڤەبەرێ ناحیێ کو بەرپرسێ لژنا دووڤچونا بازاری ژی ل دێرەلۆکێ بو ئەڤرۆ نیوز دیارکر، ژ بو پتر پاراستنا ساخلەمیا هاولاتیان و گرنگی دان ب رێنمایێن خوە پاراستنێ بتایبەت د نوکە دا کو مەترسیا ڤایروسێ کورونایێ ل سەر وەلاتێ مەهەیە، وان دەست ب لێگەریانەکا گشتگیر کریەل ناڤ بازارێ دێرەلۆک و گۆت : دڤێ لێگەریانێ دا ئەوان ل مارکێتەکی دەست ب سەر چەندین کارتونێن مێلاکێن مریشکا یێن قەدغەکری دا گرتیە و خودانێ وێ ژی ب کوژمێ ۲۰۰ هزار دیناران سازادایە.
ناڤهاتی ئاشکرا ژی کر، ژبەر نەپێگریکرن ب رێنمایان ئەوان گۆشت فروشەک ژی ب کوژمەکی پارەی سزادا.
ودیار کر، ئەو دێ بەردەوام بن لسەر لێگەریان و دووڤچوونا بازاری، و یێن ل دووڤ مەرجێن ساخلەمیێ و چاڤدێریا بازرگانی و رێنمایان کار نەکەت دێ ب توندی سەرەدەری دگەل دا هێتە کرن.