ل دەستپێکا شۆرەشا ئیلۆنێ گەلیێ زاخۆ هاتـە ستانـدن
ديدار، سالار محةمةد دۆسكى:
3 – 3
پێشمەرگەیێ شۆرەشێن ئیلۆن و گولانێ گۆتژی: دژیانا خوە یا پێشمەرگایەتیێ دا نەبتنێ یان بەلكو یا هەمی پێشمەرگەی دەمێ پێشمەرگە دسەركەفت گەلەك كەیفا مە دهات و ئێدی ئەم زێدەتر چووینە پێش و مە دگۆت ئەم دەستا بۆ دوژمنی نا داهێلین وب چ رەنگان ئەم خوە بۆ كەسەكێ نا چەمینین، دەمێ مە شەهید هەبانە ئەم گەلەك دلگران بووین و نەخوش بوو و سرۆشتی یە هەر شەرەكی سەركەفتن و شكەستن هەبووینە لێ پێشمەرگە ب هزر و بیروباوەرێن موكم هەر دەم جهێ ترس و لەیزینا دوژمنی بوو چونكە پێشمەرگە ل سەر حەقیێ بوو و بەرەڤانی ژ ئاخ و كەرامەت و نامیسا مللەتێ خوە دكر و داخازا مافێن خەلكێ كوردستانێ دكر و دشێم بێژم هەمی خەلكێ كوردستانێ پێشمەرگە بوو چونكە هەر هەمیان رۆلەكێ كاریگەر هەبوویە نەبتنێ ئەوێ تڤەنگێ راكەت بەلكو ژنا كورد ژی رۆلەكێ مەزن هەبوو و هەر دەمێ پێشمەرگە چووبانە گوندەكی خوارن و ڤەخوارن بۆ پێشمەرگەی دهاتە بەرهەڤكرن و جانتێ وی دهاتە تژیكرن و چ پێدڤی هەبا بوو دهاتە بەرهەڤكرن و چوو.
مەحمود ئەبابكەر حەسەن هروری، گۆت: مللەتێ كورد گەلەك نەخوشی و دەردەسەری دیتی نە و گەلەك كەسان خوە كریە قوربانی و چ نەمایە ب سەرێ مللەتێ مە نەهاتی و هەرە ئەڤان وەلاتێن جیران هەرە سەحكە گورستانێن وان تژی نە ژ گەنج و لاوێن مللەتێ مە و چ چیا ل كوردستانێ نەماینە خوینا گەنجەكی نەهاتیە رێتن چ گوند نەماینە نەهاتینە سوتن ڤی مللەتی گەلەك ماندیبوون و زحمەت دیتی یە و گەلەك هاتیە سەرێ خەلكێ مە و دڤێت ئەف رۆژە ل پێش چاڤێن مە هەبن ئەڤی خەلكی گەلەك ماندیبوون دیتی یە ئەڤە بەرهەمێ دو شۆرەش و سەرهلدان و ریفراندوومێ یە و دڤێت ئەڤە ل پێش چاڤێن خەلكی بن كی نە شەرێ داعش بەر سینگێ دوژمنی راوستیاین و نەهێلاین دەربازبیت كی بوون ب سەدان قوربانی داین و نەهێلاین دەربازبن و بهێنە ناڤ ئاخا كوردستانێ هەر پێشمەرگە بووینە و لەوما دڤێت ئەڤ رۆژە ژ بیرا كەسەكێ نەچن و پێش چاڤا بن و بەرەڤانیێ ژ ئاخ و كەرامەتا مللەتێ خوە بكەن و بەرەڤانیكرن بەلكو ل دەمەكی ب چەكی بوو ئەڤرۆ پاراستن ب دەنگی یە و دڤێت ئەم وەك چاڤێ خوە ئاخا خوە ژ دوژمنێن مللەتێ‌خوە ب پارێزین و ل سەر هەمی خەلكێ كوردستانێ پێدڤی یە بچنە سەر سندوقێن دەنگدانێ و دەنگی بدەنە لیستا (190) یا پارتی یموكراتی كوردستان خودانا هەر دو شۆرەشێن ئیلۆن و گولان و سەرهلدانێ و خودانا ب هزاران شەهیدان چونكە ئەڤە تاكە لیستەیە داخازا مافێن خەلكێ كوردستانێ دكەت، خەلكێ خوشتڤی هەرن دەنگێ خوە بدەنە پارتی دیموكراتی كوردستان و ئەگەر سوبە كێماسی ژی هەبن مافێ تەیە گازندا هەر ژ پارتی بكەی چونكە ئەو خودانا ڤی مللەتی یە و چەوا بەرەڤانی ژ ئاخێ كریە و تو پاراستی هوسا دێ مافێن تەژی بووتە دابین كەت چونكە تو كەسەكی ل سەر ئەڤێ ئاخێ دژی و بلا كەسەك نەبێژیت ناچمە دەنگدانێ ژ كەربێن ڤی كەسی دا یان كەسێ هە ئەڤە مەزنترین خیانەتە ل خوینا شەهیدان دهێتەكرن و مەزنترین خیانەتە ل ئاخا كوردستانێ دهێتەكرن دڤێت بچنە سەر سندوقێن دەنگدانێ و دەنگی بدەنە لیستا كوردستانێ یا پارتی دیموكراتی كوردستان ب رابەری و سەرۆكاتیا سەرۆك (مەسعود بارزانی) كو بتنێ خەم و كوڤانێن ڤی مللەتی ئەو دهەلگریت و ئەو مافێن ڤی مللەتی دپارێزیت و پێدڤی یە بەرپرسێ هەر خێزانەكێ هەمی ئەندامێن خێزانا خوە پالدەت بچنە سەر سندوقێن دەنگدانێ و دەنگێ خوە بدەن و ئەو كەسێ نەچیت خیانەتە و ئەم ب دوژمنێ خوە نیاسین.
پێشمەرگەیێ هەر دو شۆرەشێن ئیلۆن و گولانێ، مەحمود ئەبابكەر حەسەن هروری، گۆتژی: گرنگە پارتێن كوردی دەستێ خوە بكەنە دەستێ ئێك دا و ئەم ل گەل ئێك و دو دباش و تفاق بین و سوپاس بۆ خودێ كاودانێن خەلكێ كوردستانێ نوكە دباشن و ئەم بزاڤا بكەین باشتر لێ بهێن و ئەڤە ژی دێ ب ئێك رێزی و ئێكگرتنێ دروست بیت و مە ئێمانەت ئەڤ دەسكەفتە و مافێن مللەتێ خوە یێن ماین ب دەست ڤە بینین و دوژمنێن مللەتێ مە یێ هەمی بزاڤا دكەت ئەڤا هەی د دەستێ مە دا نەمینت لێ ب هێزا خودێ وسەرۆك بارزانی ئەڤ كاودانە ژی دێ ب سەركەفتیانە دەربازبن و دێ هەر ئالایێ كوردستانێ ب سەرۆكاتیا (مەسعود بارزانی) یێ بلند بیت و مە ئەو قوناغ دەربازكرینە كو ئەم ژ كەفتنێ بترسین و ئێدی دوژمنێ مەژی زانیت ئەم نەیێن جاراینە و ئەڤرۆ هەمی مللەت هشیاربوویە و ئێدی هێز و شیانێن مە ژی گەلەكن وەك جاران نینن و پەیوەندیێن مللەتێ مە ل گەل جیهانێ گەلەكن و ئەڤرۆ چەندین قونسلخانە و بالیوزخانێن جیهانێ و وەلاتێن پێشكەفتی ل كوردستانێ هەنە و ئەڤرۆ ژ هەر روویەكی ڤە كوردستانێ پێشكەفتنێن باش ب دەست كەفتینە و ئەڤرۆكە ئەم سەربلند و سەرفەرازین ب ئەڤێ ئازادی یا ئەم تێدا دژین و ئەڤە بەرهەمێ ب سەدان قارەمان و پێشمەرگێن كوردستانێ یە لەوما دڤێت وەك بیبلكا چاڤێ خوە ئەڤان دەسكەفتان ب پارێزین و پشتی مرنا دوژمنی یە وەك پێشتر ڤەگەرینە ڤە چونكە وی دەمی بیروباوەر گەلەك كێم بوون بەلێ نوكە مللەتێ هشیارە و ناهێلیت ئێك پێنگاڤەكێ ل سەر ئاخا كوردستانێ ب هاڤێژیت.
ل دووماهیێ ناڤبری گۆت: مە گەلەك گەنج و لاو كرینە بن ئاخێ ڤە و دڤێت خیانەتێ ل خوینا ئەوان شەهیدا نەكەین و بچینە سەر سندوقێن دەنگدانێ و دەنگێ خوە بدەنە لیستا شەهیدان لیستا شۆرەشان و لیستا سەرۆك بارزانی ئەو ژی لیستا (190)ە یا پارتی دیموكراتی كوردستان و خودێ مللەتێ مە و ئاخا مە ب پارێزیت ژ هەر دوژمنەكێ زوردار و بژیت كورد بژیت كوردستان.
