ل دەمێ دگەل زكئێشانێ هندەك نیشانێن دی هەبن، پێدڤیە زاڕۆی نیشا نۆشدارەكی بدەی
تایبەتمەندەكێ نشتەرگەریێن زارۆیان دیاردكەت كو هندەك نیشان ل دەمێ دگەل زكئێشانێ هەبن، پێدڤیە زارۆی نیشا نۆشدارەكێ تایبەتمەند بدەن و پتریا زكئێشانێ ل دەڤ زارۆیان جهێ ترسێ نینن.
د. قادر محەمەد سالح، تایبەتمەندێ نشتەرگەریێن زاڕۆكان دیاركر زكئێشان ل دەف زاڕۆیان گەلەك یا بەربەلاڤە و گۆت: زوربەیا زكئێشانێ ل دەف زارۆكان چ ئەگەرێن مەترسیدار نینن بەلێ هندەك زكئێشان مەترسینە دەف زاروكی و چەند نیشان هەنە كو پێدڤیە دایباب بزانن.
تایبەتمەندێ نشتەرگەریێن زاڕۆكا خویاكر ژوان نیشانان ئەگەر ئێشانا زكێ زارۆكی تا دگەلبیت یان دلرابوون ب تایبەت ئەگەر زەراتی یان كەسكاتی دگەل ڤێ دلرابوونێ هەبیت یانژی زارۆك بو دەمەكێ دڕێژ قەبز بیتن یان خوین دگەل دەستنڤێژا ستویر یا زاڕۆكی هەبیتن، هەروەسا ئەگەر ئەڤ زكئێشانە بو دەمەكێ درێژ بەردەوام بیتن یانژی دایباب بزانن كو ئەڤ زكئێشانە یا كاریگەریێ ل گەشا زاڕۆكی دكەتن پێدڤیە نیشا نۆشدارەكی بدەن.
د. قادر محەمەد سالح، تایبەتمەندێ نشتەرگەریێن زاڕۆكا دازانین ئەگەر ئەڤ نیشانە ل دەڤ زارۆكی پەیدابوون وی دەمی پێدڤی ب چارەسەریێ یە و پێدڤیە پشكنین بو بهێنە ئەنجامدان و گۆت: دەمێ نۆشدارێ تایبەتمەند دەست ب پشكنینان دكەت گەلەكا گرنگە، چونكی دبیت ئەڤ زكئێشانە نیشانا هندەك نەخوشیان بیتن كو ب پشكنینا دەستی دهێتە دەستنیشانكرن وەك نەخۆشیا بەربەلاڤ دناڤ خەلكیدا كو دبێژنێ (رووڤیكا كۆرە)، هەروەسا هندەك نەخوشیێن دی هەنە كو دبیت پێدڤی ب تیشكێ و سونەرێ بیتن یان پشكنینێن خوینێ بیتن و گۆت: یا پێدڤیە ل سەر مە وەك نۆشدار و دەیبابا كو مافێ زاروكیە نەمینیتە د ئێشانێدا و چارەسەریا وان بهێتە كرن و دووربن ژ ئێش و ئازاران.
