ل دەمێ كڕینا مۆبایلێ نەكەڤە ڤان خەلەتیان
بریار دان ل سەر كرینا مۆبایلەكێ كارەكێ گەلەك گرنگە ل دەف پتریا بكارئینەران، راكرنا پشكەك ژ پارەیی دەستكەفتە ب تایبەت ل ڤی سەردەمی، ژ بەر هندێ دڤێت ب هشیاری ڤە سەرەدەریێ ل گەل هەلگرتنا پارەیی بكەین.
ئەم یێ بەحس ل وێ بڕیارا خەلەت دكەین یا هندەك ژ بكارئینەرێن مۆبایلان ل دەمێ كرینێ ئەنجام ددەن، ب تایبەت ژی یا بەربەلاڤترین كو جهێ هەلگرتنێ یە و گەلەك بۆ هەلگرتنا رێژەكا كێم یا پارەیی دكەڤنە وێ خەلەتیێ.
دبیت بڕیارا خەلەت ل دۆر هەلبژارتنا جهێ هەلگرتنێ د ناڤ مۆبایلێ دا، تە بێخیتە رەوشا نەیا باش هەر ژ دەستپێكێ و هەر ژ رۆژێن ئێكێ دێ مۆبایل خاڤ بیت، دێ تە دلگران كەت و هەر چەند رۆژان دێ تە نەچار كەت كو هندەك تشتان دیلێت بكەیی و ئەڤە ژی دێ تە بێ زار كەت.
بۆ نها و ڤی سەرەدەمی باشترین جهێ هەلگرتنێ بۆ مۆبایلێ 256 گێگا بایتە، هەكە بۆدجا تە یا كێم بیت، 128 گێگا و 64 گێگا و هەتا 2 گێگا ژی هەلبژارتنن.
بەلێ یا راست مۆبایلا خودانا 32 گێگا بایتا، دێ ب لەز جهێ خوە یێ ڤالا ژ دەست دەت و پر بیت د چەند رۆژێن كێم دا ژ پشتی كرینێ و ئەڤە ژی دێ بەردەوام ل دەف تە دیار كەت كو جهێ وێ یێ كێمە یان دێ نەچار بی بەردەوام هندەك تشتان دیلێت كەیی یان ژی دێ خۆ گری هەتا د راوەستیت و كار نەكەت و ب نەچارە فورمات كەی و هەموو تشت بچن.
یا 64 گێگا بایت هەتا رادەكی باشترە، بەلێ هەر بەهرا كەسی ناكەت، كامیرێن باش یێن هاتین و ئەپلیكەیشنێن مەزن و ژ بەر هندێ ژی زوو جهێ وان پڕ دبیت.
یا 128 گێگا بایت هەتا رادەكی یا باشە، بەلێ 256 گێگا بابیت هەلبژارتنەكا دروستە بۆ ڤێ بەرسڤێ. ب ڤی قەبارەیی دێ تە جهەكێ بەرفرەه هەبیت و تووشی ڤان ئاریشان نابی، دشیان دایە ب هزاران و وێنان و چەندین ئەپان و فایلان بكەیە د ناڤ دا بێ ئاریشە.
ل دەمێ كرینا مۆبایلان دڤێت هزر ل تشتەكێ گەلەك گرنگ بكەیی، ئەو ژی ئەوە كو دێ ئەڤ مۆبایلە چەند مینیتە ل گەل تە، چو پێ نەڤێت یا 256 گێگا بایت دێ بۆ ماوەكێ زۆر خوە ل دەف تە گریت، ب ڤێ چەندێ ژی دێ پارێ خوە راگری ب رەنگەكێ باشتر ژ هەر ناڤبەر ناڤبەر ئێكا بێ سەروبەر بكری، ئەم بەحس ل وان مۆبایلێن ئەرزان دكەین یێن د بازاری دا كو جوداهیەكا زۆرا پارەیی د ناڤبەرا قەبارێن وان دا ننیە.
