ل دەمێ چێكرنا كلیپێ ژ مرنێ رزگار بوو
زنار تۆڤی:
سترانبێژ (گونۆل دیلان) كو ل سالا 1991 ل باژێرێ ئامەدێ ژ دایكبوویە، د دیدارەكێ دا بۆ رۆژناما ئەڤرۆ گۆت: نێزیكی شەش هەیڤانە مژوولی چێكرنا سترانەكا نوومە ب ناڤێ (تە ژمن خێرە) ئەڤە بۆ من سترانەكا جودا بوو، پەیڤ و ئاوازێن سەرڤانی نە، ڤێ سترانێ چیرۆكا خوە یا تایبەت هەیە، كو دو كەسێن ئەڤیندارن، وێ ژنێ شووكریە و نەشێن بگەهنە ئێك، لەوما ئەو كوڕ دبێژیتێ ئێدی ئەم نەشێن بگەهینە ئێك، من ئەڤ سترانە ب دلئێشی و دل شكەستی گۆتیە، بەلێ من نەڤێت ئەگەرێ وێ بێژم.
ناڤهاتیێ گۆت: من ئەڤ سترانە ل گوندێ كواخێ ل میدیاتێ ل باكورێ كوردستانێ كلیپ كریە و چەندین دیمەنێن كلیپێ من ل سەر پشتا هەسپی وێنەكرینە و دەمێ من كلیپ چێدكر، ئەز ل سەر پشتا هەسپی كەفتم و زیان گەهشتەمن و ئەز ژمرنێ رزگار بووم، پشتی ڤێ كلیپێ ئەز دێ سترانەكا فولكلۆری بێژم، هەروەسا باپیرێ من ژی دەنگبێژبوو، لەوما من دڤێت سترانەكا باپیرێ خۆ بێژم.
