ل دەمەکێ نێزیک دێ کار ل سەر هندەک کلیپێن نوی کەم
بێوار حەمدی:
هونەرمەند «ئاهەنگ حەمید» بۆ رۆژناما ئەڤرۆ دیار کر کو ئەو خودانێ دوو ستران و کلیپەکێ یە و ژ بەر کو سترانگۆتن نە کارێ وی یێ سەرەکیە دەمێ خوە گەلەک نادەتە ڤی کاری، بەلێ سەرەرایی ڤێ چەندێ ل دەمەکێ نێزیک دێ کار لسەر چەندین ستران و کلیپان کەت.
ناڤهاتی د دیدارەکێ دا بۆ رۆژناما ئەڤرۆ دیار گۆت: هەر ژ سەر دەمێ سنێلەییێ من دڤیا سترانان بێژم لێ ژ سالا 2015 وەرە من دەسپێکری، چونکو من بەهرەیا خوە د سترانگۆتنێ دا دیت، هەتا نوکە من دوو ستران هەنە دگەل کلیپەکێ لێ ئەم یێ کار لسەر هندەک ستران و کلیپێن نوی دکەین وب حەزکرنا خودێ ل نێزیک دێ خزمەتا خەلکێ خوە کەین
دبەردەوامیا ئاخفتنا خوە دا ئاهەنگی گۆت: ژ بەر کو کارێ من یێ سەرەکی سترانگۆتن نینە و نوکە ل دوو جهان وەکو فەرمانبەر کار دکەم ژ بەرهندێ من بەرهەم نینن، ئانکو دەمێ من گەلە ک یێ کێمە، لێ سوپاس بۆ خودێ من پشتەڤانێن ماددی و مەعنەوی هەنە و ئەڤە پتر هاریکارن کو ئەز بەردەوامیێ بکارێ خوە یێ هونەری بدەم
ئاهەنگی دا زانین ژی، ب دیتنامن هونەرمەند دشێت ب داهاتێ هونەری بژیت بەلێ ئەو هونەرمەندبیت یێ کو خەلک وێ دهەلبژێرن نەیێن ئەو خەلکی دهەلبژێرن، خەلک حەز ژ هونەرمەندێن هەڤچەرخ وکلاسیک ژی دکەن، بەلێ ب شێوەیەکێ گشتی ئەڤە لدویڤ حەزا مرۆڤی دمینیت کو کەسەک ژئێکێ دی جودایە، یێ هەی خۆشیێ ژ سترانا کلاسیک دبینیت ویێ هەی ژی سترانا هەڤچەرخ.
