ل دەڤەرداریا سێمێلێ پتری 200 هزار دۆنەمێن عەردی هاتینە چاندن
ئەڤرۆ
سێمێل، دلڤین رەشید:
رێڤەبەرێ چاندنا باتێلی بۆ رۆژناما ئەڤرۆ دیار كر، ل سنوورێ دەڤەرداریا سێمێلێ پتری 200 هزار دۆنەمێن ئەردی ب گەنمی هاتینە چاندن و دبێژیت: ژ ئەگەرێ بارینا بارانێن زۆر پێشبینی دهێتە كرن ئەڤ سالە بەرهەمێ گەنمی یێ باش بیت.
ئەندزیار وەلید عەرەب، رێڤەبەرێ چاندنا باتێلی گۆت: «سالا بۆری ژ بەر هشكەسالیێ زیان گەهشتبوو بەرهەمێ جۆتیاران و گەنم كێم بوو، لێ ئەڤ سالە بەرهەمێ گەنمی یێ باشە و بەرهەم ژ سالا بۆری دێ زێدەتر بیت».
نافهاتی خویا ژی كر، ئەو داخوازێ ژ جهێن پەیوەندیدار دكەن دەرمانێ دژی كێزا سنگی ژ بۆ جۆتیاران دابین بكەن، داكو داخل و دانێ وان یێ پاراستی بیت، چونكی دونیا هێدی هێدی یا بەر ب گەرمێ ڤە دچین و كێزا سنگی ل گەرمێ دەردكەڤیت، لەورا گرنگە دەرمانێ دژی سنگی بۆ جۆتیارێن دەڤەرداریا سێمێلێ بهێتە دابینكرن.
