ل دەڤەرداریا سێمێلێ 85 خێزانێن ب بەر لەهیان كەفتین هاتنە قەرەبووكرن
سێمێل، موسا خالد:
د بەردەوامیا قەرەبووكرنا زیاندارێن لەهێن مەها بۆری، دوهی 2/4/2024 ل سنوورێ دەڤەرداریا سێمێلێ 85 خێزانێن دی یێن بەر لەهیان كەفتین هاتنە قەرەبووكرن.
د چار چوڤێ وی بەرنامێ بۆ قەرەبووكرنا زیاندارێن لەهیێن مەها بۆری ل پارێزگەها دهۆكێ هاتیە دانان، دوهی و ب ئامادەبوونا خەلیل مەحموود، دەڤەردارێ سێمێلێ و دیار بەحری، رێڤەبەرێ گشتی یێ باژێرڤانیێن پارێزگەها دهۆكێ و ل گەل هەژمارەكا بەرپرسێن حزبی و حكومی، بو گەڕا دویێ هاریكاریێن دراڤی ل سەر ٨٥ خێزانێن بەر لەهیان كەفتین ل سنورێ دەڤەرداریا سێمێلێ هاتنە بەلاڤكرن.
