ل دەڤەرداریێن ئاكرێ و بەردەڕەشێ شەش كامیرەیێن هاتنوچوونێ هاتنە دانان
ئاكرێ، رەمەزان زەكەریا:
رێڤەبەریا پۆلیسێن هاتنوچوونا پارێزگەها دهۆكێ ئاشكرا كر، ب مەرەما كێمكرنا لەزاتیی و روودانێن هاتنوچوونێ، ل هەردو دەڤەردایێن ئاكرێ و بەردەڕەش شەش كامیرەیێن هاتنوچوونێ هاتنە دانان، سێ ژ وان ل دەڤەرداریا ئاكرێ و سێ ژی ل دەڤەرداریا بەردەڕەشێ.
ل دەڤەرداریا ئـاكرێ كامیرەیێن هاتنوچوونێ ل ڤان جهان هاتینە دانان، جاددەیا باشقال رەڤەند، جاددەیا پەیمانگەهان، جاددەیا نێزیك پانزینخانا نازم ئویل.
هەروەسا ل دەڤەرداریا بەردەڕەشێ ژی كامیرەیێن هاتنوچوونێ ل ڤان جهان هاتینە دانان، جاددەیا بەردەڕەش بۆ مووسلێ ل نێزیك گوندێ كانیلان، جاددەیا بەردەڕەش بۆ پرا حسنیێ بەرامبەر پانزینخانا ئیسماوە، جاددەیا بەردەڕەش بۆ رۆڤیا ل بەرامبەر قەرەناز.
