ل رۆژا ئالایێ كوردستانێ كلیپا وان دێ هێتە بەلاڤكرن
زنار تۆڤی:
هەردو هونەرمەندان (ئەیوب عەلی و گارە سازكار) كلیپەك ب ناڤێ (ئالایێ كوردستانێ) چێكرییە و ل بەرە سوبەهی بهێتە بەلاڤكرن.
ئەیوب عەلی، بۆ رۆژنامەیا ئەڤرۆ گۆت: ستران ب كرمانجی و سۆرانی هاتیە گۆتن، پەیڤێن كرمانجی یێن گارەی و یێن سۆرانی و ئاواز و مۆزیكا وێ من چێكرینە، كارێ وێنەكرنا وێ كلیپێ ل باژێرێ دۆسلدروف ل وەلاتێ ئەلمانیا و ل كوردستانێ هاتیە كرن، ب سپۆنسەریا كوردستان تیڤی هاتیە چێكرن، سیپان فازلی ب كارێ دەرهێنانێ ڕابوویە و ئەڤە بەرهەمێ دویێ یێ نیشتیمانی و نەتەوەیی یە، كو ئەز ل گەل هونەرمەند گارە سازكاری دكەم،
گارە سازكار ژی گۆت: هەتا نوكە من ل گەل هونەرمەند ئەیوب عەلی چەندین سترانێن دویت ب كرمانجی و سۆرانی گۆتینە و من ل بەربوو ئەڤ سالە بهێمە كوردستانێ، بەلێ ژبەر ئەگەرێن ساخلەمیێ ئەز نەشیام بهێم و هەردەمێ ساخلەمیا من باش بیت دێ هێم و نوكە ژی كاری ل سەر چەندین سترانێن دی دكەم و كوڕێ من رەوان رێكۆ، گەلەك هاریكاریا من دكەت
