ل رۆژهەلاتێ کوردستانێ پێگیری ب رێنمایان ناهێتە کرن
ئەڤرۆ نیوز، هۆشەنگ تاجر:
بەهرام مورادی چالاکڤانێ کورد ل رۆژهەلاتێ کوردستانێ بۆ ئەڤرۆ دیار کر کو مخابن ل رۆژهەلاتێ کوردستانێ وەلاتی پێگیریێ ب رێنمایان ناکەن بۆ خوە پاراستن ژ ڤایرۆسێ کۆرۆنا و گۆت: (بەرپرسێن دەولەتێ گەلەک درەنگ بەحسێ کۆرۆنایێ و مەترسیێن وێ بۆ جڤاکێ کرن و ل ئالیێ دی رەوشا ئابووری یا وەلاتیان گەلەک خرابە و نەشێن ل مالێن خوە دا بمینن، چونکو هەکە دەولەت هاریکاریا وەلاتیان نەکەت دێ رەوشا وان خرابتر لێ هێت).
ناڤهاتی راگەهاند کو ل پرانیا وەلاتێن جیهانێ دەولەتان بۆدجە بۆ کۆرۆنا تەرخان کرینە و هاریکاریا وەلاتیێن خوە دکەن، لێ ل ئیرانێ بەرۆڤاژی هندێ دەولەت داخوازا هاریکاریێ ژ وەلاتیان دکەت، ژ بەر هندێ ژی نها رەوشا ئیرانێ و رۆژهەلاتێ کوردستانێ گەلەک خرابە و رۆژانە پتر ژ ٢٠٠ وەلاتیان جانێ خوە ژ دەست ددەن و ئیران ژی ئامارێن دروست بەلاڤ ناکەت.
