ل رۆژێن جەژنێ پلێن گەرمێ دێ بلندبن
ئەڤرۆ نیۆز،زنار تۆڤی:
رێڤەبەریا گشتی یا کەشناسی و بیڤەلەرزان ل ھەرێما کوردستانێ راگەهاندنەک دەربارەی سەقایێ رۆژێن جەژنا رەمەزانێ بەلاڤکریە و تێدا ئاماژە ب هندێ دایە، کو ل رۆژێن جەژنێ دێ پلێن گەرمێ ل هەرێمێ بلندبن.
ئەڤرۆ شەمبیێ 24/6/2017 رێڤەبەریا گشتی یا کەشناسی و بیڤەلەرزان ل ھەرێما کوردستانێ راگەهاندنەک سەبارەت سەقایێ رۆژێن جەژنا رەمەزانێ هەتا دوماهیا ڤێ حەفتیێ ل پەیجێ تایبەتیێ خوە ل تۆرا کۆمەڵایەتی یا فێیسبووکێ دا بەلاڤکریە و تێدا ھاتییە:ب ئەگەرێ کاریگەریا فشارا گەرمێ یا وەرزی یا سالانە ل ھەرێما کوردستانێ دا،پێشبینیێ دکەین کو ل رۆژانێن جەژنێ دێ عەسمان ب شێوەیەکێ گشتی ساهی بیت.
هەروەسا گۆتیە:کو پلەیا گەرمێ دێ رۆژانە (3-1) پلەیان بلند بیت،دیسا بلندترین پلا گەرمێ ژی تا دوماهیا ڤێ حەفتیێ دێ دناڤبەرا (46-40) پلەیان دابیت.
