ل زاخۆ ئێكه‌تیا قوتابیێن كوردستانێ هه‌وه‌كا خوین به‌خشینێ ده‌ست پێكرن
ئه‌ڤرۆ نیوز، عه‌لی حاجی :
لقا زاخۆ یا ئێكه‌تیا قوتابیێن كوردستانێ ب هه‌لكه‌ڤتا 18ی شوباتێ هه‌وه‌كا خوین به‌خشینێ ل نه‌خوشخانا زاخۆ ده‌ست پێكرن و دێ هه‌وێن خوه دڤێ هه‌یڤێ به‌رفره‌هتر لێكه‌ن پێخه‌مه‌تی خزمه‌تكرنا قوتابیان.
ئه‌حمه‌د سه‌عید به‌پرسێ لقا زاخۆ ( ی.ق.ك ) بۆ ئه‌ڤرۆ نیوز گۆت : وه‌كو ئێكه‌م پێنگاڤ ب هه‌لكه‌ڤتا هاتنا هه‌یڤا شوباتێ و نێزیك بونا 18 شوباتێ مه ده‌ست ب ئێكه‌م چالاكیا خوه كر د ڤێ هه‌یڤێ دا و رۆژانه ژی ل سه‌ر ئاستێ قه‌زا زاخۆ دێ چالاكیێن خوه به‌رده‌وام كه‌ین پێخه‌مه‌تی خزمه‌ت كرنا قوتابیان و د ئێكه‌م هه‌وا مه یا خوین به‌خشینێ دا زێده‌تری 250 قوتابی پشكدار بوون و ئه‌ڤ هه‌وه مه ژبه‌ر وێ چه‌ندێ ده‌ست پێكر كو ماوه‌یه‌كێ روودانێن نه‌چاڤه‌رێكری ل زاخۆ روودان و نه‌خوشخانه‌یا زاخۆ ژی پێدڤیه‌كا زور ب خوینێ هه‌بوو .
و گۆت ژی : پشتی ڤێ هه‌وێ دێ به‌رده‌وام بین ل سه‌ر چالاكیان هه‌تا هه‌یڤا شوباتێ ب دوماخی دهێت و هه‌ر دیسان وه‌كو لقا زاخۆ یا ئێكه‌تیا قوتابیێن كوردستانێ جوداتر ژ سالێن بوری ب به‌رنامه‌یه‌كێ رێك و پێك هاتیه دانان دا كو ئه‌م بشێن ب رێیا وی به‌رنامه‌یی خزمه‌تا قوتابیێن خوه بكه‌ین د بیاڤێ زانستی دا .
