ل زاخۆ بێ به‌رامبه‌ر پرتووك ل سه‌ر خه‌لكی هاتنه به‌لاڤكرن
زاخۆ، دلۆڤان هالۆ:
بێوار ئه‌كره‌م، به‌رپڕسێ ڕێڤه‌به‌ریا لاوان ل زاخۆ بۆ ڕۆژناما ئه‌ڤرۆ دیار كر كو گڕۆپێ وێژه یێ سه‌ر ب ڕێڤه‌به‌ریا لاوان ڤه ل زاخۆ ب هاریكاریا لقێ هه‌شت یێ پارتی دیموكراتی كوردستان، ل پاركا شه‌هیدان ب هزاران پرتووك بێ به‌رامبه‌ر ل سه‌ر خه‌لكێ زاخۆ به‌لاڤكرن و دبێژیت: ئارمانجا مه ژ ڤێ چالاكیێ ئه‌و بوو كو پرتووك ببیته كه‌لتوره‌ك د ناڤ هه‌موو مالان دا.
به‌رپڕسێ ڕێڤه‌به‌ریا لاوان گوت: “ئه‌م سۆپاسیا ده‌زگه‌هێ سپیرێز یێ چاپ و وه‌شانێ ل دهۆكێ و ئێكه‌تیا نڤیسه‌رێن كورد تایێ دهۆكێ دكه‌ین، كو ڕێژه‌كا باش یا پرتووكان پێشكێشی گڕۆپێ مه كرین، مه ژی ب ڕێكا گڕۆپێ خوه یێ وێژه ئه‌و پرتووكه دگه‌ل چه‌ندین پرتووكێن دی ل سه‌ر خه‌لكێ زاخۆ به‌لاڤكرن”.
