ل زاخۆ حەبک دناڤ جورەکێ کێکان دا دهێتە دیتن
ئەڤرۆ نیوز،عەلی حاجی:
رێڤەبەرێ قوتابخانا گەشبین د داخویانیەکێ دا بۆ ئەڤرۆ نیوز دیار کر ئەڤرۆ ل روژا شەمبیێ دەما کرینا کێکەکێ ژلایێ قوتابیەکا مە ڤە دناڤ مارکێتا قوتابخانێ دا جورەکێ حەبکان دناڤ وێ کێکێ دا بوو.
زێدەتر مامۆستا مەسعود لاوەند گۆت : پشتی قوتابیا مە کری ب مەرەما خوارنا وێ کێکێ و پشتی خاری هەست ب تشتەکێ رەق کر و پاشی وێ قوتابیێ ئەو کێک ئینا ژورا من و پشتی مە سەحکریێ جورەکێ حەبکێ دناڤ وێ کێک دا بوو و هەر ئێکسەر مە مارکێتا دناڤ قوتابخانێ دا ئاگەهدار کر وێ کێکێ نەفروشیت و هەر ئێکسەر من لایەنێن پەیوەندیدار ئاگەهدار کرن ل سەر ڤێ چەندێ و هەتا خۆدانێ کۆمپانیا وان جورێن کێکا دفروشیت ب خوە ژی ئاگەهدار کر و وان ژی هەمی تشتەک دین.
ئەو چەندە ژی گۆت : ئەم داخازێ ژ هەمی خەلکی دکەین ئاگەهدار بن ل سەر ڤان جورێن کێکان ژبەر کو مەترسی یە ل سەر ژیانا وان و ئەم نوزانین ئەو چ جورێ حەبکایە دناڤ وان کێکان دا.
