ل زاخۆ دووپشکی ب 466 کەسان ڤەدایە
زاخۆ ، عەلی حاجی :
ل دووڤ ئامارا رێڤەبەریا ساخلەمیا زاخۆ، ل سالا ۲۰۱۸ێ دا کەسێن سەرەدانا بنگەھێن ساخلەمیێ ل زاخۆ کرین ٤۸۹ ھزار و ۷٦۷ کەس بوون و ماری ب ۳٤ کەسان ڤەدایە و دووپشکی ب ٤٤٦ کەسان ڤەدایە و د ھەمان سال دا شەش ھزار و ٩٠٠ زارۆ ژی دایکبووینە.
د کونگرەکێ رۆژنامەڤانی دا دکتور قەرەنی، رێڤەبەرێ ساخلەمیا زاخۆ ئامارا گشتی یا سالا ۲۰۱۸ یا رێڤەبەریا ساخلەمیا زاخۆ راگەھاند و دیار کر کو ل نەخۆشخانا زاخۆ شەش ھزار و ٩٠٠ زارۆیێن خوەجھێن زاخۆ ژدایکبووینە و رێژا زێدەبونا خەلکی ١.٩٨% ێ یە و چار ئافرەتان ل نەخۆشخانا زاخۆ یا ژدایکبوونێ گیانێ خوە ژدەست دایە، رێژا مرنا وەلاتیێن زاخۆ ل رێڤەبەریا مە ھاتینە تۆمارکرن ب ڤی رەنگی یە ۲۸۱ کەسان د ناڤ نەخۆشخانێن زاخۆ دا گیانێ ژدەست داینە و ٤۵۲ کەسان ژدەرڤەی نەخۆشخانێن زاخۆ گیانێ ژدەست داینە و رێژا مرنێ خەلکێ زاخۆ ۰٫۲٤ بۆ ل سالا ۲۰۱۸دا و پرانیا وان کەسێن گیانێ خوە ژدەست داین ژئەگەرێ جەلتا دلی بوون ل سالا ۲۰۱۸ دا ٬ ۲۳۳ تەن کەل و پەلێن جودا جوداێن دەم ب سەرڤە چووی و سەختە ژلایێ پشکا زێرەڤانی یا سەر ب رێڤەبەریا مە ڤە ھاتینە ژناڤبرن و ۳۷ جھێن جودا جودا ھاتینە گرتن ژئەگەرێ پێنەگیریا وان ب رێنمایان و سەرجەمێ گشتیێ داھاتێ پشکا زێرەڤانی ۱٦٦ ملیون و ۳۷۲ ھزار دینار بووینە .
ناڤبری زێدەتر گوت: “٤٦٦ کەسان ل زاخۆ دووپشکی پێڤە دایە و ۳٤کەسێن دی ژی ماری پێڤە دایە،؍ ل زاخۆ ۳۵ ھزار و ۱۹۱ کەسێن ئاوارە ل زاخۆ قەستا بنگەھێن ساخلەمیێ کرینە و و چار ھزار و ١٣٩ زارۆیێن ئاوارەیان ھاتینە سەر دونیایێ و ٤۹ ئاواران گیانێ خوە ژدەست داینە و رێژا ژدایکبوونا زارۆیێن ئاواران ژسالا دەرباز بوی کێمتر بوویە” .