ل زاخۆ سیسته‌مێ تاك و جووت بۆ به‌لاڤكرنا پانزینێ دهێته بكارئینان
زاخۆ، دلۆڤان هالۆ:
ئیداره‌یا سه‌ربخوه یا زاخۆ د ڕاگه‌هاندنه‌كێ دا به‌لاڤكریه، كو ل دووڤ وی به‌رنامێ ژ لایێ ئیداره‌یا سه‌ربخوه یا زاخۆ ڤه هاتیه داڕشتن، سیسته‌مێ تاك و جووت بۆ به‌لاڤكرنا پانزینێ ل سه‌ر تڕۆمبێلان كه‌ڤته د بیاڤێ بجهئینانێ دا.
ئاشكرا ژی كر، ئه‌ڤ سیسته‌مێ نوو یێ به‌لاڤكرنا پانزینێ ل سه‌ر تڕۆمبێلان ب ڤی شێوه‌یی یه، كو رل ِۆژێن تاك دێ تڕۆمبێلێن هه‌ژماره تاك پانزینێ وه‌رگرن، ل ڕۆژێن جووت ژی تڕۆمبێلێن هه‌ژماره جووت دێ پانزینێ وه‌رگرن.
ئیداره‌یا سه‌ربخوه یا زاخۆ د وێ ڕاگه‌هاندنێ دا خویا ژی كریه كو ڕێژا به‌لاڤكرنا پانزینێ ژی هاتیه سنوورداركرن و ب ڤی ره‌نگی: تڕۆمبێلێن تایبه‌ت 43 لیترێن پانزینێ دێ وه‌رگرن، تڕۆمبێلێن ته‌كسی 50 لیتران و كۆسته‌ر و مینی پاس ژی 70 لیترێن پانزینێ دێ وه‌رگرن، بهایێ هه‌ر لیتره‌كا پانزینێ ژی 690 دینارن.
