ل زاخۆ سێ جهـ هاتنە داخستن
ئەڤرۆ نیوز، عەلی حاجی :
ئەندامەکێ لژنا دیفچوونا بازاری ل زاخۆ د داخویانیەکێ دا بۆ ئەڤرۆ نیوز دیار کر، د ماوەیێ رۆژەکێ دا لژنا وان سێ جهـ ل زاخۆ داخستن و هندەک جهێن دیتر ژی ب کوژمەکێ پارەی هاتینە سزادان و دەست ب سەر رێژەیەکا زور یا کەرەستەیێن ئێکسپایەر دا هاتنە گرتن.
زێدەتر وەلات هەجەر گوت : د بەردەوامیا چاڤدێریکرنا رەوشا بازاری ژلایێ لژنا مە ڤە ب هەڤکاری ل گەل ئاسایش و پولیس و لژنا هەڤپشک و چاڤدێریا بازرگانی ل زاخۆ ئەڤرۆ چارشەمبێ ٢٢/٤/٢٠٢٠ سەرەدانا ٧٠ جهان ل زاخۆ کر ژ ( نانپێژی و مارکێت و سەرتراشخانان)،ژ وان ژی مە سێ مارکێت سزادان ژ ئەگەرێ هەبوونا کەرەستەیێن ئێکسپایەر و داخستنا وان ژی دێ بۆ ماوەیێ ٧٢ دەمژمێران بیت، هەر دیسان هەشت مارکێتێن دیتر ژی ب کوژمەیەکێ پارەی هاتنە سزادان ژ ئەگەرێ هەبونا کەرەستەیێن ئێکسپایەر.
ئەو چەندە ژی خویا کر ” ژلایێ لژنا مە ڤە دەست ب سەر ١٤٠٠ کێلو گرامێن کەرەستەیێن ئێکسپایەر دا گرت و سەرەدانێن وان ژی دێ د بەردەوام بن بۆ وان جهان و بەلێ پرانیا وان جهێن ئەڤرۆ لژنا وان سەرەدان کرین پێگیر بوون ب رێنمایان”.
گوت ژی : هەر کەسەکێ مە سەرەدانا جهێ وان کربیت و دووبارە هەمان کار ئەنجام بدەن دێ پێرابوونێن دژوارتر بەرامبەر وان هێتە ئەنجام دان .
