ل زاخۆ شوونوارێن بەری پێنج هزار و 500 سالان هاتنە دیتن
رێڤەبەرێ شوونوار و كەلەپووری ل زاخۆ دیار كر، دەست ب هەلكۆلینێ ل سەر شوونوارێن قشلا زاخۆ هاتیە كرن و هەتا نوكە هندەك پارچەیێن شوونواری یێن گەلەك گرنگ و كەڤنار یێن هاتینە دیتن.
محەمەد ئەحمەد، رێڤەبەرێ شوونوار و كەلەپووری ل زاخۆ راگەهاند، شوونوارێن بەری پێنج هزار و 500 سالان ل ئیدارا سەربخوەیا زاخۆ هاتنە دیتن، نوكە ڤەكۆلین ل سەر شوونوارێن زاخۆ یا بەردەوامە، پشتی كار تمام دبیت دێ هێتە راگەهاندن و گۆت: “چەندین پارچەیێن شوونواری یێن گرنگ د چارچوڤێ كارێ هەلكۆلینێ دا هاتینە دیتن ل سەر شوونوارێن قشلا زاخۆ، هیشتا میژوویا دروست دیارنینە، نوكە هەلكۆلین دهێنە كرن بۆ زانینا میژوویا دروست یا قشلا زاخۆ”.
گۆتژی: “بەری پینج هزار و 500 سالان خەلكەك ل زاخۆ ژیایە، ئەڤ قشلا ل زاخۆ گەلەك یا كەڤنە و هێشتا كارێ هەلكۆلینێ ل سەر یێ بەردەوامە”.
