ل زاخۆ نەرازیبوون ھاتنە ئەنجام دان
ئەڤرۆ نیوز، عەلی حاجی :
ئەڤرۆ روژا ئێک شەمبیێ ل قەزا زاخۆ ل ھەر ئێک ژ کەمپا چەمشکو و زانکویا زاخۆ نەرازیبوون ھاتنە ئەنجام دان ل سەر ئەنجامدانا تاوانا تیرورستێن داعش بەرامبەر کچێن ئێزدی ل باغوزێ و داخاز ژ حکومەتێن عێراقێ و کوردستانێ کرن بێ دەنگ نەمینن بەرامبەر کوشتارا درندانە یا تیرورستێن داعشێ.
ل دور ڤێ چەندێ نیاز حەجی بەرپرسێ لژنا ناوچا زانکو و پەیمانگەھان یا ئێکەتیا قوتابیێن کوردستانێ بۆ ئەڤرۆ نیوز گۆت: نەرازیبونا مە ل سەر وێ چەندێ بۆ کو تیروریستێن داعش کارەکێ ھوڤانە دژی مروڤایەتیێ ئەنجام دایە و ئەم وێ تاوانێ شەھمزار دکەین و ھەر دیسان داخازێ ژ حکومەتێن عێراقێ و کوردستانێ دکەین بێ دەنگ نەمینن و کار ل سەر ئازادکرنا کچێن مایی یێ ددەستێ داعشێ دا و داخاز دکەین ھەرزوو شنگال بھێتە ئاڤا کرن و خەلکێ وێ ڤەگەریتە جە و وارێن خوە و ھێزێن پێشمەرگە ژی ڤەگەریتە باوەشا شنگالێ .
