ل زاخۆ پێشانگەهەكا وێنەیێن شەهیدێ نەمر ئدریس بارزانی هاتە ڤەكرن
زاخۆ، دلۆڤان هالۆ:
د. نازدار عارف، بەرپرسا پشكا پێگەهاندن و رەوشەنبیری و ڕاگەهاندنا لقێ هەشت یێ پارتی بۆ ڕۆژناما ئەڤرۆ دیاركر كو ب مەرەما بلند راگرتنا بیرەوەریا 39 سالیا وەغەركرنا ئەندازیارێ ئاشتی و تەباییێ، ئدریس بارزانی، ل بارەگایێ لقێ پێشانگەهەكا تایبەت یا وێنەیێن شەهیدێ نەمر ئدریس بارزانی هاتە ڤەكرن.
خویا ژی كر كو ئەڤ پێشانگەهە ژ لایێ پشكا پێگەهاندن و رەوشەنبیری و راگەهاندنا لقێ هەشت ڤە هاتبوو رێكخستن، و ژ لایێ سەباح بەیتوللا، جێگرێ بەرپرسێ مەكتەبا رێكخستنا پارێزگەها دهۆكێ و عومەر ئۆرەی، بەرپرسێ لقێ هەشت یێ پارتی ڤە هاتە ڤەكرن و گۆت: « پێشانگەهـ ژ چەندین وێنەیێن مێژوویی و دەگمەن یێن شەهیدێ نەمر پێك هاتبوو، كو دەربڕین ژ قووناغێن جودا یێن ژیان و خەباتا وی د ناڤ رێزێن شۆڕەشا گەلێ كوردستانێ دا دكر».
گۆت ژی: «بیر و باوەرێن وی د خزمەتكرنا گەل و نیشتیمانی دا هەردەم دێ وەكو قوتابخانەكا نەتەوەیی مینن و رێبازا وی یا پیرۆز دێ بەردەوام بیت».
