ل زاخۆ ژنهكا 37 سالی ژ لایێ برایێ وێ ڤه هاته كوشتن
زاخۆ، دلۆڤان هالۆ:
ل ئێك ژ تاخێن ئیدارا سهربخوه یا زاخۆ، ژنهكا 37 سالی ژ لایێ برایێ وێ ڤه ب چهكێ ژ جۆرێ دهمانجه هاته كوشتن.
ئهحمهد ڕهمهزان، بهرپڕسێ ڕاگههاندنا ڕێڤهبهریا پۆلیسێن زاخۆ، بۆ ڕۆژناما ئهڤرۆ دیار كر كو تاوانهكا كوشتنێ ل ئێك ژ تاخێن زاخۆ هاتیه ڕوودان و تێدا ژنهكا 37 سالی بناڤێ (ئـ. ر. ت) ب چهكێ ژ جۆرێ دهمانجه ژ لایێ برایێ وێڤه بناڤێ (م. ر. ت) هاته كوشتن و گۆت: “ههر ئێكسهر پۆلیسێن زاخۆ گههشتنه جهێ ڕوودانێ و شیان ناسناما بكۆژی ئاشكهرا بكهن و دهستهسهر بكهن”.
بهرپڕسێ ڕاگههاندنا ڕێڤهبهریا پۆلیسێن زاخۆ، ئاماژه ب وێ چهندێ ژی كر كو ڤهكۆلینێ د ڤێ تاوانێ دا دهستپێكریه، ب بڕیارا دادوهرێ ڤهكۆلینێ و ل دووڤ بهندێ ٤۰٥ ژ یاسا سزایان فهرمانا گرتنێ بۆ تاوانباری دهرچوویه و ژ بۆ مهرهما زانینا ئهگهرێ دروست یێ ڕوودانێ ژی ڤهكۆلین یا بهردهوامه.
