ل زاخۆ 42 پڕۆژە ب گوژمێ 362 ملیۆن دیناران هاتنە پەسەندكرن
رێڤەبەرێ گشتیێ وەبەرهێنانێ ل زاخۆ دیار كر، 42 پڕۆژەیێن وەبەرهێنانێ ل ئیدارا سەربخوە یا زاخۆ ب گوژمێ 362 ملیۆن دیناران هاتنە پەسەندكرن.
جەگەرخوین تاهر، رێڤەبەرێ گشتیێ وەبەرهێنانێ ل ئیدارا سەربخوە یا زاخۆ راگەهاند، د پلانێ دایە كو 42 پڕۆژە ب گوژمێ 362 ملیۆن دیناران ل ئیدارا سەربخوە یا زاخۆ بهێنە بجهئینان، ئەڤ هەژمارا پڕۆژەیان هەمی هاتنە پەسەندكرن، ئەگەر ئەرد هەبیت د پلانێ دایە كو بهێنە بجهئینان، ژبلی ڤان پڕۆژەیان 28 پڕۆژەیێن دی یێن وەبەرهینانێ ل زاخۆ هاتنە راگەهاندن.
ئاشكرا ژی كر، ئەڤ سالە پلانەكا باش بۆ پتر پێشڤەبرنا كەرتێ وەبەرهێنانێ ل زاخۆ هاتیە دانان و هەر وەبەرهینەرەكێ داخوازیا خوە پێشكێش بكەت دێ مۆهلەت پێ هێتەدان، كو پڕۆژەیێن وەبەرهێنانێ ل ئیدارا سەربخوە یا زاخۆ بجهـ بینیت.
