ل زڤستانا ئەڤ سالە دەلیڤەیا هاتنا بارانان دێ زێدەتر بت
ئەڤرۆ، پەروین سەلاح
شارەزایەكێ كەشناسیێ دیار كر، ل دووماهیا مەها 10 دەلیڤا هاتنا چەندین بارانان هەیە بەرەف هەرێمێ ڤە بهێن و وێ مزگینیێ دەمە هە می جوتیاران ژی، باشیا وەرزێ پایزێ ئەوە ئەگەر بارانێن مە زووتر بهێن مفای دگەهینیتە چاندنێ، ب شێوەیەكێ گشتی رێژا دەلیڤا هاتنا بارانان ئەڤ سالە ل پارێزگەها دهۆكێ دێ ب زێدەتر چن.
محەمەد سەعید شارەزایێ كەشناسیێ ل پارێزگەها دهۆكێ بۆ رۆژناما ئەڤرۆ دیاركر: وەكی ئەم نوكە د وەرزێ پایزێ داینە بێ گومان جوتیارێ مە دزانیت مفایێ ڤان بارانێن دهێن چەندە و ئەڤ بارانێن د پایزێ دا دهێن ب حسابن، چونكی ئەگەر پلە نەكەڤیت ئەم دبێژینێ پلا گێسنی، ل وی دەمی دا جوتیارێ مە نەشێن ئەردێ خوە ب كێلن، ژبەركو ئەرد دێ یێ رەق بیت، ئەگەر تۆڤێ خوە ب ئاڤی هاڤێتێ دێ تۆڤێ وی نەیێ باش بیت و دێ دەخەل دناڤدا شین بیت.
ناڤهاتی ئاشكراكر: مزگینیا وێ چەندێ ب ئانەهیا خۆدێ ئەڤە دەسپێكا بارانایە دێ بۆ مە هێن، چ سالان ب ڤی رەنگی باران دەمەكێ زیتر دا نە هاتینە، و ل دووماهیا مەها دەهـ ژی دا دەلیڤا هاتنا چدندین بارانایە بەرەف هەرێمێ ڤە هێن و وێ مزگینیێ ژی دەمە هەمی جوتیاران.
ناڤبری گۆت ژی: دەمێ وەرزێ پایزێ دا باران هوسا زیتر بهێن، پایزا مە وەكی وەرزی بهارێ لێ دهێت، داروبار دهێتە شووشتن، هەتا گەلەك داروبار خەملا خوە دكەتەڤە و بەلگێن كەسەك شوون دكەت، باشیا وەرزێ پایزێ ئەوە ئەگەر بارانێن مە زووتر بهێن مفای دگەهینیتە چاندنێ ب شێوەیەكێ گشتی، محەمەد ئاماژە ب وێ چەندێ ژی دا: دەربارەی پلەیێن گەرمێ یێن زڤستانا ئەڤ سالە چەند پلەیێن گەرماتیێ زێدەتربن ل سەر روویێ ئەردی دێ رێژا هەلمێ پتر لێ هێت و دەمێ هەلم زێدەتر لێ دهێت دەلیڤا هاتنا بارانان زێدەتر دبیت.
هەردیسان باران سال بۆ سالێ ل سەر هەمی گەردوونی زێدەتر لێ دهێت، چونكی پلەیێن گەرماتیێ بەرەف زێدەبوونێ ڤە دچن، ئەو ژی ئەگەرێ وێ ئەڤ پترۆلا دەركەفتی و وان غازات ئەڤ چەندە ب رێژەكا زێدە د گەردوونی دا ئەڤە گەرماتیێ رادگرن ئەڤە دبیتە ئەگەر پلەیێن گەرم زێدە ببن.
ل دووماهیێ گۆتژی: رێژا دەلیڤا هاتنا بارانان ئەڤ سالە ل پارێزگەها دهۆكێ ئەو بارانێن دهێن دێ ب رێژەیەكا زێدە تر بهێن.
