ل زیندانا ئەبوغرێب د ناڤبەرا من و مرنێ دا چـركە مابوون
دیدار، سالار محەمەد دۆسكی
2 – 3
ل هەوا ئەنفالێن رەش ل سالا 1988 وی دەمی ئەندامێ لژنا محلی یا دهۆك بووم ب شەڤ برۆسكەك بوومە هات و گۆت (60) پێشمەرگان ل گەل خوە بینە وەرە بەرەڤانیێ ژ بارەگایێ مە بكەن، وێ شەڤێ مێهڤانێ لژنا ئامێدیێ بووم و (عەبدولخالق بابیری و مستەفا مزیری) ل وێرێ بوون، و مستەفا وێ شەڤێ ل پشت جادێ كەفت و ئەز و عەبدولخالق بتنێ ماینە ل بارەگایێ لژنێ و سپێدێ ئەم ل سەر تێشتێ بووین، فرۆكە هاتن و كێمیاوی هاڤێتە دەڤەرێ و من گۆتە عەبدولخالق چارەكێ ل خوە بكە، و دڤێت بچمە لەقێ و ئەم چووین هەتا گەهشتینە بارەگایێ لقێ مە دیت ل جهێ خوە دا نەماینە، و ئەو چووینە جهێ جەنابێ سەرۆكی ناڤ نێروەییا و ئەو ژی چوومە وێرێ و ئەوان گۆتە من ئەگەر پێشمەرگێ خوە ئاگەهدار بكەی كو هەر ئێك بگەهیتە خێزانا خوە و بابەت بڤی رەنگی یە، و ئەز مامە ل گەل (فوئاد میرانی) بەرپرسێ لقێ بوو و (نێچیرڤان ئەحمەد، سمكو ئامێدی) ئەم ماین و چووین مە بارەگایێ خوە ل (چەمێ تیا) د ناڤبەرا سنورێن توركیا و ئیراقێ ڤەكر، و ئەڤە گوندەكە ئاڤ ئانكو روویێ شین دنیڤەكێ دا دهێت و بوویە دو پارچە و ئەو بخوە ئێك گوندە و ئەم لایێ ئیراقێ بووین و ئەگەر لەشكرێ ئیراقێ دهات ئەم چووینە ئالیێ دی و ئەگەر جەندرمە دهاتن ئەم چووینە ئالیێ ئیراقێ، و ئەم ماوەكی ماینە وێ دەڤەرێ و جەنابێ سەرۆكی فەرمان دا و گۆت دڤێت هوون وی جهی بمینن و نابیت ئەو جه بهێتە ڤالاكرن، و ئەڤە بۆ وێ چەندێ بوو دا پەیوەندی د ناڤبەرا خەلكێ مە ل كەمپان و سەركردایەتیێ دا هەبیت، و مە ئەڤ كارە كر و ئەم ماوەكێ درێژ ماینە وێرێ و هەتا هەیڤا یازدە، و دوڤدا جەنابێ سەرۆكی فەرمان دا گۆت هندەك بمینە وێرێ و ئەڤێن دی بهێنە ئیرانێ ئەم (59) كەس چووینە ئیرانێ، و جەنابێ سەرۆك بارزانی رێك بوومە بەرهەڤكر وی دەمی گەلەك ئارییشە بوومە دروست بوون، وی دەمی لقێ ئێك پارەكێ باش هەبوو و تورك دهاتن رێكا مە دگرتن ب مەبستا وەرگرتنا پاران وی دەمی كادرێن رێكخراوا ئێكەتیا قوتابیێن كوردستانێ و رێكخراوا (شەهید زۆراب) هەمی مانە ل گەل لقێ دا و ڕۆلەكێ گەلەك باش هەبوو و زیرەك بوون وی دەمێ بارەگایێ مە ل چەمێ تیا لژنەك هاتە پێكئینان ئەز و هەر دو خودێ ژێ رازی (خالد بوسلی و سمكو ئامێدی و ئەز) بۆ ئینانا ئەرزاقی ژ توركیا بۆ ناڤ بارەگایی و دو جاران ئەم هاتینە گرتن.
هەمان پێشمەرگە بەردەوامی دا گۆتنێن خوە و بەحسێ پشتی هەوا ئەنفالان كر و چوونا ئەوان پێشمەرگان ژ چەمێ تیا بۆ ئیرانێ ل سەر فەرمانا جەنابێ سەرۆكی و گۆت: جەنابێ سەرۆكی كەسەك وەك رێبەر بوومە دەست نیشانكربوو، و ئەو كەس خەلكێ گوندێ (بایێ) بوو و ئەم چووینە گوندێ(بایێ) وی برادەری گۆت ئەگەر هوون تشتێن خوە رادەستی من بكەن، و هەتا هەوە دەرباز دكەم، دوڤدا دێ تشتێ هەوە گەهینمە هەوە و مە گۆتێ چەكێ خوە نادانین و دێ ب چەك بین و ئەوی گۆت كەیفا هەوە یە و دێ بۆ هەوە رێبەرا پەیدا كەم، بەلێ هوون دێ ب پیا چن و ئەم ب رێكا شەمزینا و گەڤەرێ دەربازكرین، و هەتا ئەم چووینە سلێڤانا مالا جەنابێ سەرۆك مەسعود بارزانی، مامە ل ئیرانێ هەتا پشتی كونگرێ (10) و رۆژەكێ ل گەل نێچرڤان بارزان و شەوكەت بامەرنی چووینە نەتەوێن ئێكگرتی، و كەسەكی پرسیار ژمن كر توكی وی دەمی هەڤژینا من ل توركیا بوو و ئەو دو سال بوو مە ئێك دو نەدیتی وی كابرای گۆتی ئەگەر خێزانا تە ببمە جهەكی و تەژی ببمە چەوایە؟، من گۆتێ گەلەك باشە و من باوەرنەدكر و پاش دەركەفت راست، رۆژەكێ ئێكێ نیاس پەیوەندی ب من كر وی دەمی تێلەفونێت عەردی بوون، و گۆتن وەرە بالیوزخانا سویسری یا پرسیارا تە دكەت و چوو مە بالیوزخانێ دو رۆژا نە وەرگرت و رۆژا سیێ ئەم چووینە ژوور ڤە و هەر ل بارەگایێ بالیوزخانێ ئێكسەر ڤەحواندنا سیاسی و ڤیزە و تێكێتا فرۆكێ دا من كو بچمە سویسرا، و من گۆت بێی جەنابێ سەرۆك بارزانی ناچم و زڤریم چوومە دەف جەنابێ سەرۆك مەسعود بارزانی، و بابەت من بوو شرۆڤەكر و جەنابێ وی گۆت: كی دزانیت دێ چ هێـتە سەرێ مە و هەرە كیڤە دچی هەرە و تو هەریێ مەی، وی دەمی بارودوخ بڤی رەنگی بوو و كەسەكێ نەزانی دێ چ ل كاودانان هێت، و ئەو رۆژا (سەدام حسێن) چوویە كوێتێ دا ئەم گەهشتینە (سویسرا) و دەمێ گەهشتیمە وی وەلاتی چ رێكخستنێن پارتی نەبوون، و رابووم من شانەك دروست كر و دوڤدا من كرە رێكخراو، و دوڤدا من كرە ناوچە بوومە كارگێرێ لقێ شەش یا ئەورۆپا، و دوڤدا جەنابێ سەرۆك بارزانی گۆت دێ چ كەی لڤێرێ ما دەم نەهاتیە بهێیە كوردستانێ ؟، من گۆت بەلێ و ل سالا 2001 زڤریمە كوردستانێ و 2003 دەمێ لقێ مویسل هاتیە ڤەكرن بوومە بەرپرسێ رێكخستنێ و ئەڤە 21 سالە لقێ مویسل دەوامێ دكەم.
هەمان پێشمەرگە گۆت: گەلەك نەخوشی و كاودانێن بەرتەنگ دژیانا خوە دا ل زیندانا كەركووك و ئەبو غرێب و پێشمەرگاتیێ و فەرمانگەهێن حوكمی دەمێ من كار كر، و ئەنفالان و دەربەدەریێ من دیتی نە، لێ یا ژ مرنێ قورتال بوویم دەمێ ل زیندانا ئەبو غورێب وی دەمی پیچەك یێ لڤ لڤۆك بووم و بەرپرسێن ئەمنێ ل زیندانا ئەبو غرێب هزر دكر بەرپرسێ زیندانیان مە، و رابوون دناڤ زیندانێ دا ئەز نەفیكرم و هاڤێتمە دناڤ كومەكێ دا ئەوێن دونیایێ نەبینن و هەڤالێن من لمگەریان ونەزانی كیڤە مە و هەتا پەیوەندی دناڤبەرا من و كوردەكێ سلێمانیێ دا دروست بوو و ناڤێ وی كاك (رەحیم) بوو و كولەك لەشێ من راهات و كاك (رەحیم) گۆت ئەو چیە؟ من گۆتێ نەخوشم و گۆت وەرە تە ببمە نەخوشخانێ و دەمێ ب رێكێ ڤە بریم برادەرێن مە درێكێ دا دیتم و گۆتن تو كیڤە یی ؟ من گۆتێ ڤی جهی مە و دەرمانكرم و پشتی چەند رۆژان، ئەوێن وی جهی ڤە هەمی ئەو بوون ئەوێن دبرن رەمی دكرن و رۆژەكێ سپێدێ زی دەرگەه ڤەكر و گۆتن سواری ترۆمبێلا ببن و دەمێ چووین و دا سواربین كاك (رەحیمی) دیتم گۆت چ كەی ڤێرە؟ من گۆتێ یێ بێژن سواربن كاك (رەحیم) گۆت كورو دێ ئەڤان كوژن من گۆتێ چ بكەم؟ گۆت وێ هە رێڤەبەرە هەرە دەف بێژ و ئەز چووم دا بێژمێ و گۆت خێرە من بابەتێ خوە بۆ شڕۆڤەكر و من گۆت بابەتێ من سەرا كوردایەتیێ یە و رێڤەبەری گۆت تو كوردی؟ من گۆتێ بەلێ ئێكسەر گۆتە من جارێ بمینە و هنارتە فایلا من و ئێكسەر گۆتن هەرن ڤی ببنە ژوور و برمە ژوور ڤە كەسەك ل ژوور ڤە نەما بوو و سێ شەڤ و سێ رۆژا بێ نان و ئاڤ و ڤەخوارن ئەز مامە ل وی جهی و بتنێ وێرێ مام و هەتا رۆژەكێ هندەك كرێكار هاتن وێرێ پاقژ بكەن دا هندەكێن دی بهێنە وێرێ جارەكا دی بوومن كرە كێشە و گۆتن ئەڤە رەڤی یە و خو ڤەشارتیە و من بابەت بۆ شەرۆڤەكرە ڤە، دوڤدا ڤەگوهاستمە دەف هندەك كەسێن دی و ئەوان هەڤالان بوو من ئاڤ گەرمكر و من سەرێ خوە شیشت دناڤبەرا من و مرنێ دا چەندەكا كێم مابوو ئەگەر كاك (رەحیم) نەهتبا دا هەما من ل گەل ئەوان كەسان ڕەمی كەن.
