ل سالا نوو ھەموو پارزینگەھێن نەقانوونی دێ ھێنە گرتن
ئەڤرۆ نیۆز، قائید میرۆ:
سالا نوو دێ ھەموو پارزینگەھێن نەقانوونی بھێنە راکرن و بەرپرسەکێ وەزارەتا نافخۆ ژی ئاماژە کر، ھێزەکا تایبەت بۆ راکرنا پارزینگەھێن نەقانوونی ھاتیە پێک ئینان و قانوون دێ بسەر ھەموویاندا ھێتە بجە ئینان.
دکتۆر سامی جەلال، رێڤەبەرێ گشتیێ دیوانا وەزارەتا نافخۆ بۆ ئەڤرۆ نیۆز دیارکر” بڕیار ھاتیەدان د سالا نوو دا ھەموو پارزنگەھێن نەقانوونی بھێنە گرتن و دگەل ئەردی بھێنە راستکرن، چونکە مە وەک لیژنا بلندا راکرنا پارزینگەھێن نەقانوونی بەری نوکە ٦٠ رۆژ مۆھلەت دابوونە پارزینگەھێن نەقانوونی کو ھژمارا ١٦٨ پارزینگەھن ل سەرانسەری ھەرێمی کوردستان و سالا نوو دێ ژڤانێ مە دگەل وان دووماھی ھێت یا نەھاتبیتە راکرن دێ لێپرسین دگەلدا ھێتەکرن.
دکتۆر سامی جەلال گۆتژی” ھژمارەک پارزینگەھێن ھەرێما کوردستانێ ژی مۆھلەتا کارکرنی ھەیە، بەلێ مەرجێن سەلامەتی و ژینگەھێ تێدا نینە، لەوڕا ھۆشداری بۆ ئەڤان ژی چوویە و ھەگەر مەرجێن حوکمەتێن نەھێنە بجەئینان ئەڤ ژی دێ ھێنە گرتن ھەتا وی دەم خوە دگەل رەوشێ د گونجینن.
