ل سالا 1962ئەم ئێكەم خێزان بووین ژ دهۆكێ هاتینە دەرئێخستن
دیدار، سالار محەمەد دۆسكی:
پێشمەرگێ هەر دو شۆڕەشێن ئیلۆنێ و گولانێ، (داود سلێمان سەعید زێوا شەفیق دۆسكی) ژدایك بوویێ سالا 1948ێ بوویە، هەتا قوناغا پێنجێ سەرەتایی خواندیە، و ژ پێشمەرگێن دەسپێكا شۆڕەشا ئیلۆنێ بوویە، و چەندین شەڕ و داستانا پشكدار بوویە و دەربەدەری ئیرانێ بوویە.
داود سلێمان سەعید، كورێ فەرماندێ پێشمەرگەی ل شۆڕەشا ئیلۆنێ عەریف سلێمانە، بۆ رۆژناما ئەڤرۆ گۆت: دەمێ باپیرێ من وەغەركری، پیرا من و مامەكێ من مان و كەسەك نەبوو خودان بكەت، (سەعید ئاغا دۆسكی) گازیكەرە بابێ من و گۆتێ دێ تە وەك پولیس دامەزرینم، و هەر كەسەك نەشیا ببیتە پولیس، و (ئیسڤێ ئەحمێ) دكانا باتێ هەبوو ل دهۆكێ، ببو كەفیلێ بابێ من هەتا بوویە پولیس، و گەلەك جهان بابێ من پولیساتی كریە وەك (دهۆك، سێمێل، زاویتە، بادوش، روڤیا و ئازاخ و ئارماش كو دكەڤیتە نێزیك ئەتریش) گەلەك جهێن دی رەنگ من پێزانین ل سەر نەبن و هەر جهێ ببا پولیس مالا مە بۆ وی جهی دهاتە ڤەگوهاستن وی دەمی پولیسێ ئێكێ بوو، وی دەمی مووچێ وی هەشت دیناركێم روبعەك بوو.
داود سلێمان زێوا شەفیق زێدەتر گۆت: بابێ من پولیس بوو ل زاویتە ل دەسپێكا شۆڕەشێ رێك هاتنەگرتن، و ئەو گەهشتە شۆڕەشێ وی دەمی (سەید سەرنی و سەعدی زاویتەی) هەڤالێن وی بوون، ل دووڤ گۆتنا رەحمەتی (سەعدی زاویتەی) ل بەری شۆرەشێ دەمێ عەریف سلێمان ل زاویتە گەلەك جاران چەك ژ سوریێ دەربازی دەڤەرێ دكر و ب رێكا عەریف سلێمان و هاریكاری بۆ دكر.
ناڤبری گۆت: پشتی سالا 1961 بابێ مە پەیوەندی ب شۆرەشێ كری ل سالا 1962 هەیڤا تەباخێ مالا مە و یا (عەلی بەرۆشكی) ژلایێ حوكمەتێ ڤە هاتنە دەركرن، وی دەمی ل قوتابخانا ئولا بووم پولا پێنجێ و من دەست ژ خواندنێ بەردا و مالا مە چوو گەرماڤا حاجی ئاغای و ل سالا 1963ێ ل گەل بابێ خوە بوومە پێشمەرگە وی دەمی بابێ من سەرقول بوو ل دەڤەرا زاخۆ و نێزیكی 70 زەلامان ل گەل بابێ من بوون.
حەجی داود زێدەتر گۆت: دووماهی یا سالا 1962ێ هێزا عیسێ سوار و بابێ من قائیمقام و ئەندازیارێن (كومپانیا عین زالا) یا پەترۆل ل گەل چەندین پولیسان دەستە سەركرن و ئینانە (باڤیا) وی دەمی بارەگایێ وان ل كواشێ بوو و ئەز مێهڤانێ وان بووم وێ شەڤێ.
هێشتا گۆت: ل سالا 1963 شەرێ شاخكێ رەحمەتی دێوالی ئاغا پشتەڤانیەكا مەزن كر ب دابینكرنا (فیشەكا) بوومە و عەریف سلێمان بریندار بووو گولەك ب دەڤی كەت و هەر وی ب دەستی ئینادەرێ هەر ئێكسەر و گۆتە هەڤالێن خوە دەنگی ژێ نەهین بلا پێشمەرگە نەزانن دا نەشكێن، ل سالا 1965 بارەگایێ پێشمەرگەی هاتە باخورنیفێ و هێزەكا مەزن هات دا باخورنیفێ بسوژن و دەمی پێشمەرگە گەلەك بوون وەك (ئەحمەدێ حەجی محێ، محەمەد حەسەن باجلوری، سەعید صالحی پیرۆمەری، حەسەنێ عەلی) وێ هێزا چەكدار خواست تەنسیق دروست بیت و بتنێ دێ جهەكی سوزژن و ڤەگەرن و ئەو هێز چوونە دەف (دێوالی ئاغا)ی خواست تەنسیق دروست بیت و رەحمەتیێ(دێوالی) گۆتێ ئەو رازی نابن،(ئەحمەد تاها پیرۆمەری) هاتە دەف پێشمەرگەی و بابەت بۆ پێشمەرگەی شرۆڤەكر و گۆتێ بابێ چیایی سلاف ل هەوە كرینە و بێژیت ئەف مرۆڤە هاتینە دەف من و یێ بێژن بلا تەنسیق هەبیت و بابێ چیایی زانیت هوون رازی نابن، بەلێ ئەوا مرۆڤان گەلەك گڤاشتن كرینە و ل سەر داخازا ئەوا مرۆڤان هاتیمە و (عەریف سلێمان ) گۆتە (ئەحمەد تاها ) بێژە ئەوا هێزێن چەكدارێن هاتینە قەصرێ كیش یێ بەرهەڤە دەیكا خوە بدەتە من دێ بوو دەڤەرێ بەردەین، ( ئەحمەد تاها) هاتە دەف خودێ ژێ رازی (دێوالی ئاغای) و بابەت گۆتێ و (دێوالی ) كرە كەنی و ئەوێ هێزێ گۆتێ (ئاغا) خێرە تو دكەیە كەنی گۆتێ چنە گۆتێ ئەزبەنی تشتەكێ هەی و (دێوالی) بابەت بۆ گۆت و ئەو ژی عاجزبوون و (دێوالی) گۆتێ گەلەك خو عاجز نەكەن ئەڤە شەش رۆژە هوون شەری دكەن و هەوە بهوسەك ژی نە گرتیە و شەش رۆژێن دی ژی شەری بكەی نەشێی ژێ وەربگری.
حەجی داود سلێمان زێدەتر گۆت: جارەكێ گەلەك هێز ژ سێمێل هات و دەبابە ل گەل بوون وی دەمی دا پێشمەرگە گەلەك كەڤیتە تەنگاڤیێ و نەچاربوون ئاگر بەردا پرێزێ و گەنم هاتبوو درین و پێشمەرگە شیا خوە قورتال بكەت
زیدەتر گۆت: بابێ من نەهێلا بچمە شەرا و هەمی دەما دهێلامە ل بارەگایی و گەلەك جاران من كاغەز بۆ نڤێسین و تایبەت ل (شوش و شەرمنان) وی دەمی بابێ من دەستیردان وەرگرت بوو و ئەز ل جهێ خوە دانابووم وەكالەت.
گۆت: ل ماسیكێ بابێ من ئەو كەتنە كەمینەكا چەتا و ئەو چەتە نەیێن دەڤەرێ بوون و نێزیكی 12 پێشمەرگەی بوون و گازیكەرنە پێشمەرگەی گۆتێ هوون كینە؟ دا پێشمەرگە بەرسفێ دەت و بابێ من نەهێلا و بابێ من گازیكرێ ئەم چەتێن سلێمانی نە هەتا بورین و ئێكسەر هاڤێتنە چەتا و گەلەك ژێ كوشتن و برینداركرن، جارەكا دی ژنكا نان دپات و دەرمانەكێ مرنێ كربوو ناف هەڤیری و نێزیكی 20 پێشمەرگان پێ كەفتن بەلێ نەكرن و نوژدار ئینان و دەرمان دانێ و دەنگوباس گەهشتنە (مەلا مستەفا بارزانی) جەنابێ وی فەرمان دا كو ژن نەمینت چەوا هەولا كوشتنا پێشمەرگەی دایە ب كوم، و ئەو ژن هاتە دەستەسەركرن بەلێ چلێنەكر و دانپیدان كر كو شێخێن دەڤەرێ گۆتیێ پێشمەرگەی ژەهر بدەت.
زێدەتر گۆت: ل بەیانا 11ی ئادارێ ئەم ل قەلادزێ بووین و پێشمەرگەی ئاهەنگەكا مەزن كر وی دەمی (رەشید سندی) ئامر هێز بوو و بابێ من (عەریف سلێمان) ئامر بەتلیون بوو و كەیفا من وێ رۆژێ گەلەك هات و دیسا دەمێ هەولا كوشتنا (مەلا مستتەفا بارزانی) هاتیەدان و قورتال بووی گەلەك كەیفا مە هات و مە دەهول و زرنا دانا و ئەم ل دەستیردانێ بووین و مە دەوات و رەقاص كر و خەلكی هەمیان ئاهەنگ كرن ل هەمی دەڤەران .
گۆتژی: ل سالا 1963ێ و دەمێ بوویمە پێشمەرگە ئێكەم جار مووچێ من (3) دینار بوون و دیسا دەفكێن ریهان و پەركێن جگارا و تیتن و هەر شەش هەیڤان جارەكێ دەستەكێ خاكی و پێلاف ژی دانە مە و زگوردان هەیڤێ(3) دینار و یێ ب ژن با(5) دینار و مووچێ من هەیڤانە زێدە بوو هەتا گەهشتیە (10) دینار و بەیانا 11 ئادارێ بۆ دەركرنا رەگەزنامێ چوومە بەغدا (10) دینار من هەبوون و چووم و زڤریم (6) دینار مابوون و پارێ وی دەمی گەلەكێ ب قیمەت بوو.
هێشتا گۆت: ل ئەنفالێن رەش مە (13) رۆژ نان و گرار مەنەخوارن مە بەلگێن گهیشكا مە دقوتان و خویێ دخار ل گەل مە دخوار.
هێشتا گۆت: گەلەك جاران من (مەلا مستەفا بارزانی ) ژ دوور دیتی یە و دو جاران من نێزیك دیتی یە و گەلەك حەز مرۆڤێن دلسۆز دكر، و مرۆڤەكێ ب هەیبەت بوو و مروڤی نەدشیا تەماشەی سەرۆچاڤێن وی بكەت، گەلەك جاران من سەرەدانا رەحمەتی (ئدریس بارزانی ) كریە و گەلەك ئاخفتن من ل گەل هەبوو و گەلەك رێز ل مە دگرت ژ بەر بابێ مە و نوكە ژی جەنابێ سەرۆك(مەسعود بارزانی) كاك (نێچیرڤان بارزانی) رێزەكا مەزن ل مە دگرن
هێشتا گۆت: ل سالا 1975ێ ل گەل نەسكویێ ئەم چووینە ئیرانێ و ل ئوردیگایێ زێوە ئاكنجیبووین و ل سالا 1991ێ ڤەگەریاینە كوردستانێ.
هەمان پێشمەرگە گۆت: گەلەك سالان ئەم زێرەڤانێن ئێزگێ دەنگێ كوردستان بووین وی دەمی (تەحسین دولەمەری، سەباح بەیتوللا) رۆلەكێ مەزن هەبوو و ئێزگە ل گوندەكی بوو بناڤێ(هەلەج) ل نێزیك (شەقلاوە) ل ئیرانێ و گەلەك جاران مەترسی كەفتیە سەرژیانا مە و چونكە ئەم نە شارەزابووین
ل دووماهیێ گۆت: داخاز ژ خەلكێ كوردستانێ دكەم لاڤا بۆ مللەتێ مە بكەن، چ كارەساتێن وەك 1975ێ ب ڤی مللەتی نە كەڤن، چونكە شیعە گەلەك ژ بەعسیا پیسترن هەم نەتەوە و هەم ئاین.
