ل سالا 1967مە رێكخستنێن نهێنی ل زانكۆیا مویسل دروستكـرن
سالار محەمەد دۆسكی:
2- 7
بترسیت و هەر هەلبژارتنەكا بهێـتەكرن دێ هەوپەیمانیێ دروست كەین، و دێ ژ حزبا بەعس بەین و هەتا هەلبژارتن هاتینەكرن و ئەم شیاین دەربچین و جەماوەرەكێ باش مە دیاركر، بەری رێكەفتنا 11ی ئادارێ جەماعەتێن (جەلال تەلەبانی) ژی هەبوون و هەر ئەوانژی دگۆتە خوە پارتی دیموكراتی كوردستان و دكاودانێن نهێنی دا ئەوا خوە دیار دكر كو كومەكا هەین و چەند جاران مە سینگ لێكدان، و هەر جارا ئەم سەركەفتی بووینە، بەری 11ی ئادارێ ئەو دئاشكرا بووین و ئەوا خوە دیاردكر كو ئەو نوینەر و بەرپرسێن كوردانە و پشتی بەیانا 11ی ئادارێ بەعیسا و گشت زانكۆیێ سەنگ و هێزا مە دیتی ئێدی ئەو جەماعەتا قوتابیان یا ب ناڤ و نوینەراتیا كوردان خوە ئاشكرا دكر بەری 11ی ئادارێ چ سەنگ و وەزن نەما و چ هزر بۆ نەهاتنەكرن، دەمێ هەلبژارتن هاتیەكرن هەڤالێن سەركردایەتیێ هاتن و كونفرانس دروستكرن و هەلبژارتن دناڤ قوتابیان دا هاتنەكرن، وەك پێشتر مە ئاماژە پێكری مە رۆلەكێ باش ل كاودانێن نهێنی دا هەبوو و لەوما دهەلژارتنان گەلەك ب ساناهی مە جەماوەر هەبوو، دو كەس هەبوون(ڕەنج نوری شاویس، نەجمەدین عومەر كەریم) پارێزگەرێ بەرێ یێ كەركووك ل گەل مەبوون ئەوا ل گەل هندەكا ئاخفتن و گۆتنێ ئەم دكێمین و ئەگەر هندەك بهێنە گەل مە دا بشێن بەلانسەكێ دروست بكەین، و ئێك ژ ئەوان هەڤالێن گەل ئاخفتین (د. ئازاد نوری) بوو و زێدەتر حەزا مە هەبوویە و رۆلەكێ باش ل گەل مە رێكخستنێن نهێنی هەبوو، و ئێكسەر هات گۆتە من ئەڤان هەر دو كەسان چەوا دبینی؟ من گۆتێ برایێن مە نە و هەڤالێن مەنە و گۆت تو نزانی شڤێدی ل گەل مە كومبووینە و گۆتیە دەنگی نەدەنە سەباح ئاكرەیی دا ئەم هندەك دەنگا وەرگرین، و من گۆتێ هەوە چ گۆت د. ئازاد گۆتی مە گۆتێ بلا بەلێ عارا من قەبوول نەكر، و هاتم من بابەت بووتە شڕۆڤەكر و ئەوژی گەل هەڤالێن خوە ئاخفتم و پشتی مە هەلبژارتن ئەنجام داین، ئەوان هەر ئێكی شەش دەنگ بتنێ ئینان ل گەل دەنگێن وان بوونە هەشت و دەنگێن من زێدەتر بوون، و دەرچووم بوومە ئەندامێ كونگرێ شەشێ ئەوێ ل (ناوپردان) ل رێكەفتی 14/7/1970 هاتیە ئەنجامدان، بوومە نوینەر كو بچمە كونگرەی.
د.سەباح خەندان ئاغا ئاكرەیی، گۆت: ل سالێن 1969 – 1970 ڤیان و حەژێكرنا مە هەمی بۆ كوردینیێ و مریدیێ بوو و مە تێكوشانەكا مەزن بۆ مللەتێ خوە و بابێ مەزن بارزانیێ نەمر هەبوو، دەمێ ل هەلبژارتنا مە گوهلێ دبوو هندەكێ ل ناوچە گەریێ دگەن بوومە تشتەكێ گەلەك سەرسورمان بوو، كو چەوا هندەك كەس هەنە بڤی رەنگی و چونكە ئەمێ بۆ جیهانێ هەمیێ دیاردكەین كورد ئێك گیان و روح و ئێك چارەنڤیس هەیە، و چەوا هندەك كەس ئەڤێ چەندێ دكەن و مە خوە سەر ڤە نەبر و ئەم چووین و مە هەڤالێن خوە برنە كونگرەی ب دو ترۆمبێلان و ل هەڤلێرێ پێشوازی یا مەهاتەكرن، وەك ئێكەتیا قوتابیێن كوردستانێ ئەم چووینە (ناوپردان) نێزیكی (450) قوتابی كومبووین و مێهڤان ل گەل جەماعەتێن حزبێ بوومە كەپر دروست كربوون، و ئەو كەپرا كومبوونێن مە لبن دهاتەكرن بەری كونگرێ مە ب حەفتیەكێ كونگرێ هەشتیێ یێ حزبێ لبن وێ كەپرێ هاتبوو ئەنجامدان، و چوونا مە بۆ كونگرێ قوتابیان گەلەك ب عەشق و ڤیان بوو، تشتێ سەیر مەدیتی ل كونگرەی هندەك قوتابی بووینە ئالیێ بەهدینان و هەولێر و هندەك ئالی بووینە سلێمانی و كەركووك ، و مە دگۆت ئەڤە چەوا ئەم خەباتێ دكەین بۆ كوردینیێ و هندەك كەس هەنە هوسا دكوردینیێ دگەهن؟، و مە بزاڤكرن هێدی هێدی دناڤبەرا هەر دو ئالیان دروست كەینە ڤە وەك پێشتر و كونگرە سێ رۆژا بەردەوام بوو و رۆژا ئێكێ( رەشید سندی) یێ بەرهەڤ بوو خودێ ژێ رازی بوو وی سەرپەرشتی دكر، و د.(مەحمود) ژی هات و كونترۆل هوسا باش نەبوو و گەهشتە ئاستەكی هەر دو ئالیان ئاخفتنێن كرێت دگۆتنە ئێكودو ، ئێدی كاودان بەرب ئاقارەكێ دی ڤە دچوون و ئەم ل پێشیێ روینشتی بووین، و چاڤێ مە ل قوتابیان بوو و ل پشت مە كاك (فەرنسۆ حەریری و شكیب ئەرسەلان) ناڤبەینەكێ مە دیت كەسەك هاتە دەف (فەرنسۆی) گۆتێ كاك (فەرنسۆ) ئەز خائینم؟ دەمانجە كێشا و گولەك ل جێنكا خوە دا و ئێكسەر خوە كوشت، و ناڤێ وی (محەمەد ملا كەرەم) بوو خودێ ژێ رازی بیت و هەر كاك (فەرنسۆ) گۆتێ نە نە نە وی گولە دانا و خوە كوشت، و خودێ ژێ رازی (رەشید سندی) نەدشیا كونترۆلێ بكەت و رۆژا پاشتر (عەزیز ئاكرەیی) هات دا كونترۆلێ بكەت، ئەوێ خوە كوشتی چار مەترا ل پشت مە بوو كاودان گەلەك ئاسێ بوو و هەر دو ئالیێن مە ئاماژە پێكرین ئاخفتنێن كرێت گۆتنە ئێكودو و كێماسیێن ئێك و دو ئاشكرا دكرن، و كەسێ گوهدارییا كەسێ نەدكر، و ئەم وەك دەروێشا بووین بۆ كوردینیێ و ئەم سەرسورماین بووین، ئەڤە چەند سالە كورد خەباتێ دكەن بۆ كوردینیێ ئەڤە چ هزرە ئەڤە دكەن، كونگرەكێ بڤی رەنگی و پشتی 11ی ئادارێ دلێ خوە ب ئێكودو خوش بكەن، و چەوا ئەڤە دهاڤێژنە ئێك و دو و دەنگێ خوە ل ئێك و دو بلند دكەن، و شەر هەمی بۆ وێ چەندێ بوویە كی دێ دەنگان زێدەتر بەت دئەوان كاودانان دا، هەمی دحالەتەكێ بەرتەنگێ دەروونی دا بووین و دەمێ ئەوی كەسی خوە شەهیدكری هەر كەسەكێ ل جهێ خوە هزر كر ئەڤان ئالیان گولە ل ئێكودو دان..
