ل سالا 1967مە رێكخستنێن نهێنی ل زانكۆیا مویسل دروستكـرن
سالار محەمەد دۆسكی:
6- 7
د.سەباح ئاكرەیی ئەو ژی گۆت: ل سالا 1983 وی دەمی ل بارۆكێن شەری بووم و دەستیردان من وەرگرت بوو ل هەڤلێرێ ( ئەبو عەبدوللا خەیات) گەلەك جاران مە جلكێن خوە ل دەف چێدكرن یان مە مرۆڤێن نیاس دیتن و جارەكێ ئێك هاتە دەف و من گۆتێ خوە بەرهەڤ بكەن دێ تشتەك هێتەكرن دژی ڤێ دەست هەلاتێ و هوون دشێن خەلكی ئاگەهدار بكەن چونكە سەرهلدانەكا ب رێڤە و ئەو كەس سالێن حەفتێان ئەندامێ ناوچێ بوو ل ئاكرێ و پشتی بورینا هەیڤەكێ كەسەكێ خەلكێ رومادی هەبوو و پلا وی یا لەشكری ژ من زێدەتر بوو ناڤێ وی (فەوزی موناجد) بوو گۆت بچینە پیاسەكێ من گۆتێ بلا گۆت تە چ گۆتیە؟ من گۆتێ وەكی چ گۆت نڤیسارەك هاتیە و گۆتیە ئەڤە لبن چاڤدێریێ بیت چونكە ئەڤە دژی دەولەتێ ئاخفتیە و خواست ئاخفتنا خوە ل جهان كێم بكەم و ئێدی من ئاخفتێن خوە سنورداركرن هەتا سالا 1988 ێ و مە ل گەلەك جهان هەڤالێن خوە كومكرن بەحسێ ڤێ روودانێ كر و بەرهەڤی مە وی دەمی كرن كو سەرهلدانەك بهێتەكرن هەتا كو ژڤان بوو 21 نەوروزێ سالا 1991 سەرهلدانێ بكەین، ئەوا رانیە ژ نشكەكێ ڤە هاتی و سەركەفت و بەری سەرهلدانێ وەك پێشتر مە ئاماژە پێكری كو حوكمەتێ هەست پێ دكر لڤینەكا دهێتەكرن لێ چونكە وی دەمی هزێن ئەمریكی توباراندكر هندەك جهان بریارەكا مەركەزی نەبوو هەر كەسەك ب بوو خودان بریار و ترسەكا مەزن دروست بوو، دەنگۆباس تەهدید بۆ دهاتن كو پێشمەرگە نێزیك بووینە و ئەڤێ كارتێكرن هەبوو و جهێن خوە بەردان و هێزەكا لەشكەری یا باش مابوو و دەمێ دیتی كارگێری خوە ڤەكێشای و ئەو بخوە شەر نەكر.
د.سەباح بەحسێ سەرهلدانا ئاكرێ كر و گۆت: رۆژا 13 مە دەست پێكر و رێكخستن دناڤبەرا هەڤالێن خوە دا كر و مە بەرهەڤی كرن، كو رەنگە حوكمەت بزاڤا ڤەگەریانێ بكەت و مە هێزێن خوە دانان و مە بزاڤكرن هوشیاریا خەلكی بكەین، و خەلك هات و مە ئارمانجێن سەرهلدانێ دیاركرن و شاندەك هات فازل میرانی و هەڤالێن بەعسا سوریا ل گەل بوون و سەرسورمان بوون كو تێكدان نەهاتیەكرن، و مە گۆتێ تێكدانا دوژمنا ل گەل مەكرین ئە دكەینە وانە ئەم نەكەین، و هزرا مە یا ئاڤاكەرە و سەر سورمان بوون، دوڤدا جەنرال بابەكر زێباری هات كو بچیتە مویسل من پرسیاری كر گۆتن چوو (دوربەردان) دوڤدا چوم ل گەل (300) كەسان و من گۆتێ چوونا ناڤ مویسل دڤێت پلانەك هەبیت و نابیت ب شێوەكێ هەرەمەكی بچین چونكە دێ زیانەكا مەزن بینین و من گۆتێ من پلان هەیە و ل مویسل ژیایمە و كی یێ ل گەل مە كی ل گەل حوكمتێ یە و من پلان دانا بوو دێ ژلایێ رۆژ هەلاتا ل نەخوشخانا سەدام چینە ژوور و سەركەفین بۆ مویسل و گازی خەلكی كەین كو خەلك بخوە رابیت و هندەك جەماعەتێن ئیسلامی هەبوون دژی بەعسیان و من پلان دا بابەكر زێباری گۆت ئەزێ دێ چم تو نەهێ بەلێ ترسك حوكمەت جاشا ڕاكەت ورێكێ ل مە بگرن و من گۆتێ نوكە دێ بەرهەڤیا وەرگرم هندەك جها مە هێزێن خوە دانان و مە ل ئاكرێ ژی دانان بۆ كونترۆلكرنا دەڤەرێ و پشتی ماوەكی ئەو دەم بوو وەختێ ئیراقێ كومبوون ل گەل ئەمریكا كرین و ئەو ماف دابوویێ فرۆكە رابن و پشتی ماوەكی فرۆكەك هات جهێن بابەكر زێباری وان توب بارانكرن، و بابەكر زێباری كونترۆل نەما و هەر ئێك بخوە چوو و هندەك بریندار گەهشتمە مە ل ئاكرێ و مە چارەسەری كر و مە بەرهەڤی كرن چەوا بەرگێریێ كەین و مە دیت خەلكێ زور ل دەشتێ رابوون كوچەر بوون و هاتنە ئاكرێ و چوونە بێخمە و مە هزر كر دێ كاودان ژ دەستێن مە دەركەڤن ئەگەر حوكمەت ژی بهێـتە دناڤ خەلكی دا بهێتمە نەشێین شەری بكەین و مە گۆت دڤێت خێزانا دەربێخین ژ ئاكرێ و پاش بهێن شەری بكەین و پتریا گوندان حوكمەتێ پیچ كربوون 31 ئادارێ بوو و ئەم ب شەڤ دەركەڤین و ئەم چووینە سەر كەندالێ خەلكی گۆت خرابكریە و مە بەرێ خودا بێخمە و مە سحكرە رێك نەیا باشە و ئەم سێ شەڤا ماینە سەر وێ رێكێ و نەگەهشتینە بێخمە و ل دووماهیێ مە خێزان گەهاند و حاجی میرخان برایێ حسۆ میرخان زانی ئەو لایێ دی بوو بارەگایەك ڤەكر بوو و ترۆمبێلەك هنارت و مە خێزان ب وێ ترۆمبێلێ گەهاندنە وی جهی ل گوندێ(سەرچیا) جەنابێ سەرۆكی وێرێ بوو، و ب شەڤ رونشتین و هندەك پرسیاركر و گۆت د. بۆچی هوسایە؟ من گۆت دڤێت سەركردایەتی دەستێ خوە بێخیتە هەمی دەڤەرا و سەركردایەتی ل گەل مللەتی جارەكا دی دێ ب سەر كەڤیتە ڤە و دڤێت هەمی ئالیان خوە بگەهینە گەل مللەتی و پێنچ شەش شەڤان ل گەل ئێك بووین و گەلەك بابەت هاتنە بەحسكرن و گەهشتینە هندەك بریار و ئەنجاما و خوارن ل دەڤەرێ نەمان و خێزانا خارن نەما و ئەم ژی نەشێین چ بكەین و مە هزرا خوە كر یا باش ئەوە خێزانا بەینە ئیرانێ و ترۆمبێل ئاسێ بوون و سنور گرتی بوون و مە خێزان برە نەخەدەی و ئەز چوومە راژانێ و ئەم ل گەل (عەلی عەبدوللا) كومبووین و بتنێ هاتینە خێزانێن خوە دانینە جهەكێ ئارام و ئەم هاتینە هەڤالێن خوە كوم بكەین و بچینە شەرێ دوژمنی و بتنێ مە چەك دڤێت و گۆت دەست هەلاتا من نینە و دڤێت سەرۆك یان نێچیرڤان بارزانی ببین و من گۆت هزرەكا باشە و ل سەر گوندان گەریاین ل گەل چەند هەڤالان و بەرهەڤی باش مە كرن، و هندەك خێزانێن خوە ئینان و من برنە حەریرێ، و كاك نێچیرڤان من دیت و مە گەنگەشە كر و مە رێككەفتن كر 1150 پارچا ب سێ قوناغا وەربگرین و مە بەلاڤەكرن و بارەگا مە ل بێخمە ل بارەگا دانا و هندەك خوبەخش بوو و چەك هەبوو و 1500 كەس مە هبوون و ئەڤە هێزا ئاكرێ بوو و چالاكیێن مەزنكرن و نێزیكی 50 هزار چەتێن حوكمەتێ تێدا بوون و مە هزر هندەك چالاكیێن دەروونی كر كو مورالا چەتا بینە خوار بۆ ئالیێ خوە بكێشین و خودێ هاریكار بوو ل هەیڤا 9 دەڤەر بگشتی هەمی كەفتە دەستێ مە و هەر هەمان هەیف فەرمانا سەرۆكی ئەم چووینە ئاكرێ و نێزیكی 150 زەلام گەهشتنە مە و چووینە دەست ئێك و دوو و مە خوگرت پشتی 30 خولەكا بابەكر زێباری ل گەل دو كەسان هات و ل گەل مە چووینە ئاكرێ 4/9/1991 و گوتارەك من پێشكێشكر بۆ خەلكی وەك بەرەیێ كوردستانی مە رویشتنا ئێكێ كر یا بەرەی كورستانی، قوناغا هاتنا مە بۆ ئاكرێ و شێخان و دهۆك دبیتە لاپەرێ سیێ سەرهلدانا ئاكرێ بۆ دهۆكێ گەلەك یا ب مفا بوو چونكە رێك گرتی بوون و فرقا لەشكەری پرا دچیت بۆ ئەتریش گرت بوو خەلك ژی نەدشیا دەربازبیت و یا ب ساناهی نەبوو و مە خورتی ل هێزا لەشكەری كر پر بهێتەڤەكرن ئەم دەرباز بین و پشتی مە پر هەر ما ڤەكری.
د.سەباح گۆت: كێشە بوومە ل گوندێ ئێكمالێ دناڤ هەركیان دروست بوو و ئارپیچەك ژ دەستێ زێرەڤانەكێ من دەرچوو ناف كەرەكێ پەزی و هندەك هاتنە كوشتن و ئەو پەزێ خودێ ژێ رازی (حجی میحەددینی) بوو و ئەم ترسیان ژ حوكمەتێ مە گۆت دێ هێرشی مە كەت و پاش (محیەددین) هات و گۆت شەش پەزێن من بریندار بووین و من سەرژێكرن و من هندی پارە دانێ نە وەرگرتن و دووف دا مەزانی شەش پەز نەبوون بەلكو 44 تەرش بوون و شەرمكر و نە گۆت بوو و دووف دا چووینە گوندێ (گورانكێ) مالا (حەجی جهوەری) رۆژا پاشتر ئەم زڤرین و هەر جهەكێ چووباینێ دا سمینارەكێ پێشكێش كەم و كارتێكرن ل سەر وێ هوزێ هەبوو و ئەو 30 ساسل بوو وێ هوزێ شەرێ كوردان كر و چوونا مە كاودان گوهورین وماوێ دو رۆژان دا 3500 كەس مە كرنە پێشمەرگە، ئێك ژ رویه سپیان دگۆتنێ(عومەرێ مام شین) ڤراڤینا رۆژا دووێ ئەم ل مالا (حجی بازو) بووین ل خرابێ ژووری و هاتە جڤاتێ و گۆت د. صەباح ئەگەر تو نەبای و كەسەكێ دی هاتبا ئەم دا شەرێ خوە كەین و دا خوە راگرین و هاتنا تە دەستێ مە چەك نەگرت و بخێرهاتی و من گۆتێ ئەم زانین هوون دێ خزمەتا نەتەوا خوە كەن و سالێن بوری ل گەل مللەتی نەبوون دێ قەرەبووكەن، پشتی فرقا لەشكری ل شەرمنێ هێزا مە زانی ئەم ئاگەهداركرین كو ئەگەر رێكێ بدەینێ دێ خوە ڤەكێشن بۆ نە مویسل و مە گۆتێ ئەم چ ناكەین و هەرنە مویسل و ب ڤێ رێكێ پلانا حەسەن مجید مە پووچكر و پشتی زێدەبونا پێشمەرگەی مە دو هێزێن دی دروستكرن ئێك هێزا (كامل تاهر هەركی) و هێزا (عومەر هەركی) مەكرە هێزا سوار و هەمی بووینە بەتلیون و دەستهەلاتەكا باش مە ل دەڤەرێ كر.
