ل سالا 1974 دا بمە پێشمەرگە تەمەنـێ من یێ بچویك بوو ئەز قەبویل نەكرم
دیدار: رەمەزان دەشتمری/ زاخۆ
3-10
بەلێ بابێ من هات ئەو گولوپ ڤەمراند و گوت كوڕێ من: هەكەر مە گولوپا ڕوناهیێ ل حەوشێ هەلكر و كرە ڕۆناهی ل ئەوی دەمێ حكومەتا دێ زانیت كو ئەم یێن گوهداریا ئەڤێ تەقێ دكن و پاشێ دێ مە دەستەسەركن و زیندان كەن. من بڕیاردا ئەز بۆ ناف شورشەشێ دەركەڤم و مە كەسەك یێ باوەریێ هەبی ناڤێ وێ سەلام رەمەزان موهاجر بی و من گوتێ: ئەز دێ دەركەڤم و قەستا ناڤ شۆڕشێ كم، بەلێ ئەز ڕیكێ نزانم و دێ چەوا خوە گەهینم بۆ سەر سنوری؟ ئەڤی سەلامی ڕێكا دەركەتنێ و چوونێ و نیشا مندا هەر من نەزانی كو ئەز دەركەڤم. ل دەمەكێ گوتەمن: كەسەك ب ناڤێ حوكمەت ئیسماعیل حەلاق یێ هەیی ئەوژی دڤێت بۆ ناڤ شۆڕشێ بچیت هەما یا باش ئەوە هوین هەردوو دگەل ئێك بچن و دەركەڤن. من گوتی: بلا دێ پێكڤە چین. ئەوبی ل ڕۆژا 10/11/1976ی من گوتە دایكا خۆە ب خاترا تە و گەردەنا من ئازابكە. دایكا من گوت: كوڕێ من دێ كیڤە چی؟ من گوتە دایكا خۆە: ئەز دێ بۆ باژێڕێ بەعدا چم. ئەز و هەڤالێ خۆە حوكمەت ل گەراجا زاخۆ ل ترومبێلەكێ سیاربین و ئەم بۆ باژێرێ دهوكێ ڤە چووین و ئەم ل گەراجێ ژ ترومبێلێ هاتن و خوار. هەر وەم نەدشارەزایێن ڕێكێ ژی بین بەلێ هەما ئەم چووین. مە ل گەراجێ بەرێ خۆە دایێ ترومبێلەكا ژ جورێ پیكەپ یا ل گەڕاجێ ڕاوەستایی و مە پرسیارا ترومبێلێن دەڤەرا شێلادزێ كرن و كی هەیە مە بۆ شێلادزێ ب گەهینت، شوفێرەك ل وێرێ بوو و گوت: ئەز دێ بۆ ناحیا سەرسینگی چم بەلێ هوین دێ ل پشتا پیكەمێ سیاربن ل ئەوی دەمی ئەو پیكەم یا چادركری بی و مە گوتێ: بلا ئەم درازینە. ئەز و هەڤالێ خۆە حكمەت ل ترومبێلا پیكەم سیاربین و بۆ ناحیا سەرسنگی چووین ب ڕیكێ ڤە گەهشتن زالگەها ناحیا زاویتەیی و پیكەم ل زالگەهێ ڕاوەستا و ئێكە ئەسكەرێ ل بەر زالگەهێ هات دەرێ چادرا پیكەمێ ل سەر ڕاكر و بەرێ خۆە دایێ ئەم دوو كەس ب تنێ یێن د ترومبێلێ دا و هەما ئەڤێ ئەسكەر دەستێ خۆە بلند و ب زمانێ ئەرەبی گوت: (مرحەبا یا شباب) و نەڕاوەستا و چوو و گوتە شەوفێرێ پیكەمێ هەرە و ب ڕاستی ئەم گەلەك ترسیابن و بەلێ پا ئەم دەربازی زالگەهی بین و چووین. ب ڕیكێ ڤە مە بەرێ خۆە دایێ ئەم ترومبێلە ژ ناحیا سەرسنگێ دابوری و بۆ گوندێ سكرینی ڤە چوو و هەتا گەهشتی كومەلگەها قدشێ و مە دیت ئەڤ ترومبێلە ل سەر جادا گشتی ڕاوەستا.
دەمێ ترومبێل ڕاوەستایی ئەم پیچەكێ ترسیان و شوفێرێ پیكەمێ هات و گوتە مە وەرن خوار من هەتا ڤێرێ هوین ئینان بەسە، و دێ ڤێجا جارەكادیتر بۆ دهوكێ ڤەگەڕم. ئەم نەچاربین و ژ پیكەمێ هاتن خوار و هەما ب پیا ئەم ل سەر جادا گشتی چووین. مە بەرێ خوەدایێ ئەڤە دوزەرەك هات و مە دەستێ خۆە لێ بلندكر و شوفێرێ زڤەری ل بەرمە ڕاوەستا و گوت: هەوە خیرە هوین دێ كیڤە چن. مە گوتێ: دێ دگەل تە سیاربین. شەوفێرێ دوزەرێ ترسیا و هوین هەردوو زاروك دگەل من سیار بن ئەز نەوێرم هەوە دگەل خوە ببم. ئەم ل دەڤێ دوزەرێ دا سیاربین و قەدەرەكێ ب چووین مە بەرێ خۆەدایێ ترومبێلەك هات و شوفێرێ دوزەرێ ئەو ترەمبێل راوەستاند و ئەم لێ سیاربین و بۆ دەڤەرا شیلادزێ چووین. دەمێ ئەم گەهشتین شیلادزێ و ئەز هەڤالی خۆ حكمەت بۆ گوندێ سویریێ ل دەڤەرا ڕێكانیا چووین. بەلێ ئەو دەڤەرە من ل سالا 1974ی دیتبن ژبەر كو ئەز و كوڕخالەتێ خوە سەگڤان بۆ ئەوێ دەڤەرێ هاتبین و مە نیازبی ئەم بۆ پیشمەرگایەتیێ بچین. ئەو بوو ئەم زڤڕاندن و وەك پێشمەرگە نەهاتن وەرگرتن ژبەر كو ژیێ مە بچویك بوو. دەمێ ئەم گەهشتینە گوندێ سویریێ ل بنێ چیایێ كورەژاری و بۆ مالەكێ چووین. ژنەك ل بەردەرێ مالەكێ بی و مەژی سلاڤكرێ. سلاڤا مە ژمە وەرگرت و گوت: هەوە خێرە كوڕێ من هوین دێ كیڤە چن؟ من گوتێ: خالەت ئەم یێن هاتین دێ چین بینە پێشمەرگەه، ئەڤێ ژنێ گوت داوو: هوین زاروكن وەرن هەڕن مالێن خوە و هاریكارییا دایك و بابێن خۆە بكەن و پێشمەرگایەتی نە شولا هەوەیە، و چو پیشمەرگە ژی ل دەڤەرا مە نینن. من ژی گوتێ: خالەت ئەز فلان كەسم و كوڕێ فلان كەسێ مە و من ناڤێ خۆە گوتی و خۆە پێ دا ناسكرن و ناڤێن هندەك ژ كەس و كارێن خۆە بۆ گوتن. ئەڤێ ژنێ هندەك ژ كەس و كارێن مە ناسدكرن و گوت: هوین سەرچاڤێن من هاتن بلا دێ هەوە بۆ ناڤ پێشمەرگەیی هنێرم. دونیا بی شەڤ مە بەرێ خۆە دایێ ئەڤە چوار زەلام بۆ ئەوێ مالێ هاتن و دوو دەوارێن هێستر دگەل ئەوان بین و پشتی شیڤ خوارین و ئەڤێ ژنێ گوتە مە: دێ ڤێجا ڕابن كوڕێن من دگەل ئەڤان زەلامان هەڕن ئەو دێ هەوە بۆ ناڤ پێشمەرگەیی گەهینن، ل ئەوی دەمێ هەر ئێك ژمە پێلاڤەك بلند و پەنتەرون ل پیانبی. ل دەمژمێر یازدەیی شەڤێ ئەم چووین و مەدا ڕێ و بۆ كەلیێ رێكان چووین و هەتا ئەم گەهشتین بۆ گوندێ سینیا ل دەڤەرا نێروەیا و دنیا ڕوناهی بوو ڕۆژهەلات ئەم گەهشتین بارەگایێ محەمەد ئەمین سینێ ئەو دگەل چەند پێشمەرگەیان دگەل بین و خانیەك یێ گوندی بۆخوە وەكی بارەگایی لیكربوو و هێشتا گوند نەهاتبوو خرابكرن، بەلێ مال لێ نەمابوون و ل وێرێ ڕوینشتن و مە بێهنا خۆە ڤەدا. پشتی بورینا حەفتیەكێ ئەم ل بارەگایێ محەمەد ئەمین سینێ ماین و پاشی گوت: دێ سوبەهی بۆ بابرەگایێ گوماتەیی چین و ئەم چوون و ل روژا 15/11/1976ی گەهشتین دەف پرا بلبل ل سەر روبارێ زیێ مەزن و لوێرێ ژی بارەگایەكی سەفری یێ پێشمەرگەیی هەبوو و هەژدە پێشمەرگەه ل ئەوی بارەگایێ هەبوون، و پازدە ژ ئەوان پێشمەرگەیان خەلكێ كوردستانا باكوری بوون. دەمێ ئەم گەهشتین بارەگایێ و ڤەگولین دگەل مە هات كرن، كوب ۆ ئەم دێ چین بینە پێشمەرگە و پاشی گوتن هویین هەردو دێ ئامانێن خوارنێ شون، مەژی دەست ب شویشتنا ئامانێن خوارنێ یێن پێشمەرگەیی كرن، و پشتی بورینا سێ هەیڤان ئەم ل ئەوی بارەگایی مان و من هەمی كار كرن وەك شویشتنا ئامانا و كێشان و هویركرنا داران بۆ سوپا ئاگری دكر، پشتی بورینا سێ هەیڤان مە بەرێ خۆە دایێ مەفرەزەیەكا پێشمەرگەیی بۆ بارەگایی هاتن و سلاڤكرن و ڕوینشتن خوار و گوتن: كا ئەو هەڤالێن ئەم ئوان دگەل خوە ببین. ئەوانا گوت ئەڤە. ئەوێ مەفرەزێ گوت: كیژ ئەوانا حكمەتە ئەو دێ بۆ بارەگایێ كوماتەیی ئێت ڤەگوهاستن. هەڤالێ من حكمەتی گوت: ئەز و سەعدەدین یێن دگەل ئێك و ئەم پێكڤە دێ چین و هەر وەسا منژی گوت: ئەم هەردوو دێ پێكڤە چین. ئەوان پێشمەرگەیان گوت: سەعدەدین تو ڕوینە خوار ناچێبت دوو كەس مروڤێن ئێك دگەل ئێك پێكڤە بن وئەڤە بریارە و دڤێت هەڤالێ تە حكمەت دگەل مە بۆ بارەگایێ كوماتەیی بێت. هەڤالێ من حكمەت دگەل ئەوان چوو و ئەز ژی ل بارەگایی مام و من هەر كارێ خزمەتا پێشمەرگەیی كر. ل دەمێ بویە شەڤ مەبەرێ خۆە دایێ هەژمارەكا پێشمەرگەیی بۆ بارەگایی هاتن و دناڤ ئەوان پێشمەرگەیاندا هەڤال سەربەست پێداوی وهەڤال عەبدوللا سالح و هەڤال فوئاد میرانی بوون، و ل دەمێ ل بارەگایی ڕوینشتینە خوار و بێهنا خوە ڤەداین، من بەرێ خوەدایێ هەما ژنشكەكێڤە هەڤال عەبدوللا سالح بەرێ خوەدان و گوت: هەبی هەش ب تە وەربیوو تو ل كیڤەیی ئەڤە ماوێ سێ هەیڤانە ئەم یێ ل تە دگەڕین و ب سەرتە هلنەبووین، منژی گوتی: ئەڤە ماوێ سێ هەیڤانە ئەز یێ ل ئەڤی بارەگایی و دگەل ئەڤان پێشمەرگەیان دژیم. هەڤال عەبدوللا سالح گوتە من: تو قەد خوە نەترسینە و چ هزران ژی نەكە حەجی حەسەنێ خەیات و حەجی محەمەدێ جزیری و شێخ جەمال راپورتێن باش یێن ل سەرتە نڤیسن و خوە بگرە نوكە ئەم دێ بۆ هەرێكا دو وچین و ل دەمێ ئەم ب ڤڕین ئەز دێ تە دگەل خۆە بم و هەما تو دێ دگەل من پێشمەرگەه بوو. منژی گوتێ: بلا. ب راستی هینگێ هەڤال عەبدوللا سالح گەلەك پەسنا من و خزمەتا بنەمالا مە بۆ كاك سەربەست پێداوی كر و ئەز بۆ ئەوان دا مە نیاسین. هەڤال عەبدو سالح ئەو بۆ هەرێما دوو چوو و هەڤال سەربەست پێداوی ئەو ل بارگایێ ما و ب شەڤێ سیمینارەك بۆ مەدا و بەحسێ خزمەتێ شۆڕشێ و بەرخوەدانێ كر.
