ل سێ پارێزگەهێن سووریێ هەلبژارتن ناهێنە کرن
پەیڤدارێ کۆمسیۆنا هەلبژارتنان یا سووریێ دیار کر، مەها بهێت دێ هەلبژارتنێن پەرلەمانێ سووریێ هێنە کرن، لێ ل هەر سێ پارێزگەهێن حەسەکە، رەققە و سوەیدا ژ بەر ئەگەرێن ئێمناهیێ هەلبژارتن ناهێنە کرن، لێ ل هەموو پارێزگەهێن دی یێن سووریێ دێ هەلبژارتنێن پەرلەمانی هێنە کرن دا خەلک بشێن نوونەرێن خوە ژ بۆ پەرلەمانێ نوو یێ سووریێ هەلبژێرن.
نەوار نەجمە ئەو یەک ژی دیار کر، کورسیێن ژ بۆ وان پارێزگەهان هاتنە دیار کرن دێ وەسا مینن، ئانکو جهێ وان ناهێتە پر کرن، هەتا رەوشا وان پارێزگەهان ژی ئارام دبیت دا پاشی ل وان هەر سێ پارێزگەهان ژی هەلبژارتن بهێنە کرن.
چاڤدێرێن سیاسی ژی دیار دکەن، رەوشا سووریێ گەلەک ئالۆزە، دەستهەلاتا ئەحمەد شەرعی دڤێت ب رێیا هەلبژارتنان رەواتیێ بدەتە دەستهەلاتا خوە، لێ هەتا ئالۆزیێن ل سوەیدا ب دووماهی نەهێن و دورزی نەگەهنە مافێن خوە و شام و رێڤەبەریا خوەسەر ژی پرسێن هەی چارەسەر نەکەن، هەلبژارتنێن ل سووریێ چو رامانا خوە نابیت.
