ل سەردەپێ شانۆیێ ھەست ب مەزنیێ دکەت
ئەڤرۆ، ھەرھین محەمەد:
شانوڤانێ گەنج لاوین سەگڤان، د دیدارەکی َدا بۆ رۆژناما ئەڤرۆ گۆت: من چو نەدایە شانۆیێ ، بەلێ شانۆیی َگەلەک تشت داینە من و ئەز فێری گەلەک تشتان کرم و دشێم ھەموو رۆلان بگێرم، بەلێ د شانۆگەریێ دا کا ئەو چ رۆلە مرۆڤ دگێریت ئەو بۆ مرۆڤی یێ خۆشە و خۆشیا ژ ھەموو یێ مەزنتر ئەوە بینەرێ مرۆڤی ل پێش چاڤێن مرۆڤی بیت و دەمێ دچمە سەر دەپێ شانۆیێ ھەست ب مەزنیەکێ دکەم ل پێش چاڤێن کامیرێ و بینەران کو چاڤێ ھەموویان یێ ل من کا ئەز دێ چ کەم و ڤی کاری دکەم بتنێ ژبۆ خزمەتا خەلکی یە.
لاوینی گۆت: شانۆڤانێ راست و دروست دڤێت لەشەکێ نەرم و دەنگەکێ بلند ھەبیت و ترس ل دەف نە بیت و دەرحەقا وی رۆلی دەرکەڤیت ئەوێ دگێریت، چونکو شانۆڤان ب رێیا شانۆیێ ئێش و ئازارێن خەلکی بۆ بینەران دیارکەت.
