ل سەر دەمێ شۆڕەشا ئیلۆنێ پارتی هەردو جۆرێن رێكخستنێ یێن ژن و زەلامان ل كەمەكا هەبوون
سالار محەمەد دۆسكی:
2- 3
جونەید سلێمان كەمەكی، ئێك ژ پێشمەرگەیێن شۆڕەشێن ئیلۆن و گولانێ گۆتژی: خوزی ژ خێرا خودێ را ئەز مربامە و من ئەڤ حالە و بڤی رەنگی نەدیتبا و هەڤال نەماینە، گوندێ كەەكا شنی هاتیە ئاڤاكرن شەفەر لێدا بوو ل ئەنفالێن رەش و دو جاران ژی هاتیە سۆتن و گەلەك شەهید داینە و هەتا جهەكێ ئاینی ل ڤێرە دگۆتنێ قوبە بوو و ژنك دچوونە سەر و دوعا بخوە ژ خودێ دخواستن و هەتا ئەو قوبە ژی هاتبوو تێنتیكرن.
جونەید كەمەكی گۆت: ئەم سەر زەوا بووین دكەفتە لیوا مەشهەد ل وێرێ ئەم ل گوندی بووین كەسەكی گۆت دەركەڤنە ئاقاری و لێكەفتن و دەمێ ب شەر چووین مە 200 زەلامان دەست ژ كاری كێشا بۆ ئەوان هەر دو زەلامان و كار نەداما مە و مووچە نەدامە و ئەم هاتینە كەرچ خودێ ژ هەمیان رازی بیت و ئەز ل گەل حمو كەمەكی بووم و تێلی، رەشید ئەم هاتینە كەرج ب بهانا وێ چەندێ كو بچینە دەف ملا مستەفا بارزانی ومە گۆتێ قوربان چارەكێ ل مە بكەت و ئەم دبرسینە و ملا مستەفا بارزانی هات هنداف گڤاندەكێ ل هنداف مە و ب هەر دو چاڤا كرە گری بوومە گۆت بوومن دوعا بكەن هەتا بچمە ڤێ گەشتا دەرڤە و بزڤرم ب سلامەتی و هەكە من ساكویێ خوە فرۆتیە ناهێلم هوون رەزیل بن و ئەڤە ئاخفتنێن وی نە من ب ئەڤان چاڤ و گوهان دیت و گولێ بووی و هەتا نوكە ژی یا ل بیرا من و ئەڤە ل سالا 1977ێ بوو و ئەڤە وەكی یێ نەخوش و بەرەف ئەمریكا چووی و مرۆوڤ نەچارە بكەتە گری و گۆت خەمێ نەخوون ئەو ئدریس یێ وێرێ بەلێ چ دەستێ ئدریس دا ژی نەهێلایە ئیرانێ وی دەمی دەست هەلاتا شاهی بوو و گۆتن هەرن دەف ئدریس بلا رێكێ نیشا وە بدەت و ئەم چووینە دەف وی ژی خودێ ژ هەمیان رازیبت گۆت چ نەهێلایە د دەستێ من دا بەلێ ل دویف وێ زانینا ئەز دزانم و كەل و پەلێن خوە بكەنە بوزنگادا و زارۆك و خێزانێن خوە بكەنە پاسا دا وەر نە قزوین و ئەڤ دەڤەرە جهێ كاری یە و كارگەه هەنە بخوە كار بكەن بۆ زارۆكێن خوە، دەمێ ملا مستەفا بارزانی چوویە بەر دلوڤانیا خودێ ژ ئەمریكا ئینا تەهران و دوڤدا ئینا شنو و ل وێرێ ڤەشارت و ئەم چووینە دەڤەرێ و ئەم زڤرینە ناڤ زارۆكێن خوە و ماوەكی پێ چوو.
جەنوید كەمەكی، پێشمەرگەیێ هەر دو شۆڕەشێن ئیلۆن و گولانێ ئەو ژی گۆت: چەتە دهاتنە دەف ملا مستەفا بارزانی و لێبورین بخوە وەردگرت و بیرا من دهێت جورەكێ خاكی بوومە هاتبوو دەمێ دهاتە شووشتن رەنگێ وی سپی دبوو و ئەو خاك ل بەر ملا مستەفا بارزانی بوو و چەتە دهاتن لێبورین دخاستن شەل و شەپك و چەكێ روسی و فیشەك ل گەل بوون، ملا مستەفای دەلنگێن خوە كربوونە دناڤ گورێ دا ئەڤە ل سالا 1970 ئەوی بڤی رەنگی بخێرهاتنا چەتان دكر و هەر كی هاتبا لێبورین دایێ و ل دویڤ پێچێبوون و زانینا ملا مستەفا بارزانی كەسەكێ پێ چ نابیت وێ بكەت یا وی كری و بیر و باوەرێن من گەلەك ب ئەڤی مرۆڤی دهات و ئەگەر نوكە یێ ساخ با ئەم حوكمەتەكا دروست بووین یا راست و دروست بووین.
هێشتا گۆت: جارەكێ حەمو هەلكێشا بوو و ملا مستەفا بارزانی گۆتێ ئەڤە چیە گۆتێ ماسیێن عەلی شەعبانی نە گۆتێ ئەرزاقی ل وێرێ نە وەرگرە و گەل ئەرزاقێ تە نەما وەرە دەف من و ئێكسەر تێگەهشت پەیاما حەمویی و ئەم ب بووینە تابعی وی ل بێتواتە و ئەم چوو بووینە هاریكاری وی ل سالا 1966 مەزنترین تەقدەم یا زووك و هندرین بوو و ئێكەتیێ ئەو ئینابوونە وێرێ.
جونەید سلێمان كەمەكی، ئێك ژ پێشمەرگەیێن شۆڕەشێن ئیلۆن و گولانێ ئاشكراكر ژی كو گەلەك جاران وی ل گەل حەمو كەمەكی مرنا خوە دیتی یە و كەفتینە دەرڤێن بەرتەنگ و گۆت: رەبیەكێ ئەم چووبووینێ و مەترسی كەفت بوو سەر ژیانا مە بەلێ مە نەڤێت بچینە هووریێن بابەتی.
