ل سەر دەمێ شۆڕەشا ئیلۆنێ پارتی هەردو جۆرێن رێكخستنێ یێن ژن و زەلامان ل كەمەكا هەبوون
سالار محەمەد دۆسكی:
3- 3
جونەید سلێمان كەمەكی، ئێك ژ پێشمەرگەیێن شۆڕەشێن ئیلۆن و گولانێ گۆتژی: نەخوشترین رۆژا ژیانا من دەمێ ئەم كورد تووشی شكەستنێ بووین ل سالا 1975ێ و ئەو روودان یێ پێشچاڤێن من و ئەم ل چیایی بووین و پشتا گەرماڤا سەعید ئاغای بووین و حەمو كەمەكی چوو رەخێ هەنە بۆچی چوو بوو ئەم كورد خوە خارین و ئەم نە ئەو مللەتین ئێك و دو بگرین و ئەڤە ئاریشا مە بوویە هەر ژ دەسپێكێ و هەتا نوكە و حەمو هات گۆت دێ چینە ئیرانێ ومال سادیێ بوو و خەلك گەلەك عاجز بوو و من دەوار نەبوو و من زارۆك پشتا خوە ڤەدان و ب پیا چووم وی دەمی من زارۆك هەبوو و ئەم حەفت رۆژا گەهشتین ژبلی ترس و برس و نەخوشیێ… نەخوشیا مەزنتر ئەو بوو و دەمێ ملا مستەفا بارزانی چوویە بەر دلوڤانیا خودێ ما دێ چ كەین بتنێ مە دكرە گری و ریهێن خوە مە بەردان و خودێ ستارێ خوە ل مەسعود بارزانی بكەت خودێ بوومە پێلیت ئەم چاڤەرێی دلوڤانیا خودێ وی نە و ئەڤان كاودانێن نەخوشێن سەر مللەتێ مە دەرباز بكەت.
جونەید سلێمان كەمەكی، ئێك ژ پێشمەرگەیێن شۆڕەشێن ئیلۆن و گولانێ گۆتژی: دژیانا خوە یا شۆڕەشێ دا و هەتا نوكە چ جاران بوومن خوش نەبوویە و هەتا نوكە و خوزی ئەز مربامە نە ملا مستەفا بارزانی یان حەمو كەمەكی و نێزیكی 100 مرۆڤان پترە چووینە بەر دلوڤانیا خودێ.
ل دۆر شەهید بوونا حەمۆ كەمەكی ژی، جونەید سلێمان كەمەكی، ئێك ژ پێشمەرگەیێن شۆڕەشێن ئیلۆن و گولانێ گۆت: ل سەرهلدانا پیرۆز ئەم چووینە سەرسنگ ئێكی دگۆتنێ دكتور رزگار زاخویی بوو و بەرپرسێ لژنا زاخوە بوو و هات گۆتێ حەم تەرەكتورێ بدەف مە دا كەل و پەلێن لژنێ ڤەگوهێزینە ناڤ بەرواری یان كانی ماسێ و حەمو گۆتێ بلا و مرۆڤەك ژ زەلامێن مە ژ دهۆكێ ژ مە ڤەقەتیا بوو گۆت جونەید هەرە سەحكە تێلی عەبدولوهاب زاڤایێ حەموو بوو گۆت هەرە سەحكێ سوباهی ئەم بزڤرین ئەم دێ چ بێژینە زارۆكێن وی هەرە بەلكی پەیدا بكەی و ئەگەر گەهشتیە وێرێ بزڤری باشە و ئەم دەمژمێر حەفتی شەڤێ چووینە دەڤەرێ بۆ رۆژا دی و تاری یە تەرەكتورە گلوپ نینن و رۆژا دی ئەم سوار بووین ناڤێ شوفێری مشیر بوو كورەكی دگۆتنێ تاهر دگۆت دێ چم گەهمە دایكا خوە وان و ئەم هاتین هەتا گەلیێ دیهێ ل وێرێ هندەك مرۆڤان گۆتن دێ چ كەن مە گۆتێ دێ چینە سەرسنگێ گۆتن بزڤرن مە گۆتێ بۆچی؟ گۆت چەتە هاتینە هەتا بامەرنێ ب دویف مە ڤە و ئەم زڤرینە ڤە و ئەم چووینە كانی ماسێ وماین و حەمو نەیێ دیار بوو و ئەف هەڤالێن ل گەل دا هاتن و ژ ئاڤا بیادرێ دەربازبوون و ئەز پێ نەحسیام و هەتا من ئێك دیتی عەبدوللا ئەدنی، مەجید، ئەحمەد، عەلی، حسێن من گۆتێ دێ چكەن گۆتن دێ چینە ئیرانێ من گۆتێ دێ چەوا چنە ئیرانێ؟ ما یاریا بچوویكا نە كا حەمو كا هوون تشتەكی ژێ دزانن گۆت نە من گۆتێ هەتا هوون تشتەكی ژێ نەزانن ئەم ناچین و شەرە دەڤەك دناڤبەرا مە دا دروست بوو و ل سەر بابەتی و ئەز هاتم 16 كەلەخ ئینانە گوندی ل سەرسنگ و ئەم هاتین حوكمەتا ئیراقێ ل سەرسنگی بوو و هاتە بەراهی یا مە گۆتن كیڤە چن مە گۆتێ سەرسنك گۆت مە فەرمان نینە ئەگەر مە نەهێلا هوون دەربازبن و ترۆمبێلەكا لەشكری بوو و چەك د دەستێ مە دا بوو ئاگەهدار بوون كو ئەم پێشمەرگەی نە و ئەز ماینە ل دەڤەرێ و گەلەك لێگەریایم و دەمێ من لەشێ وی دیتی و ئینایەدەرێ و چووم من سەحكریێ دەرپێ سپی ل بەر بوو و فانێلەكێ شین ل بەر بوو و مە هەمیان لێدگەریا و مە گەلەك بزاڤكرن ئەم ب ببین و مە نەدیت و هەڤالێن من گڤاشتن ل من كرن كو بچنە ئیرانێ و ئەم چووینە كانی ماسێ دەف فازل میرانی و دەستیردان دامە و فازل هاتبوو پێش د. كەمال كەركوكی ڤەو كەمال بەرپرسێ لقێ ئێك بوو و ئەو هاتە جهێ وی و من زانی حەمو نەمایە چونكە من گۆت ئەگەر حەمو كەمەكی دژیانێ دا مابیت ئەو دێ هەر ل مە گەریت و مە پەیدا كەت و ئە دا مە پەیدا كەت و نە ئەم وی پەیدا دكەین بەلێ پەیدا نەبوو و مە رێكا خوە گرت و ئەم چووینە ئیرانێ و پشتی بورینا چەند رۆژا ئەم چووینە دەف عەلی عەبدوللا ل راژان و ئەم چووینە دەف فەیسەل روستینكی و مە گۆتێ كاغەزەكێ بنڤیسە ئەم چ تشتا ژ حەمو كەمەكی نوزانین و كاغەزەك نڤێسی و نێزیكی دو دەمژمێرا مام و هات گۆت حەمو ل ئیراقێ یە و پەیوەندی هەیە و نێچیرڤان بارزانی ژی دێ چیت و هیڤیەك هەیە بهێتە ئازادكرن و حەمو برینداری كەفت بوو دەستێ حوكمەتا بەعس و دەمێ هەوپەیمان هاتین ئەوا نەهێلا ساخ چونكە ئەوا ئەو جه هێلا بوون و ئەو چەند كەس ب برینداری كەفت بوونە دەستێ حوكمەتێ هاتبوونە شەهیدكرن.
ل دووماهیێ جونەیدی گۆت: پەیڤا من یا دووماهیێ سەرۆك مەسعود بارزانی بۆ ئەڤی مللەتی یێ ساخ و ساخلەم بیت، و خودێ ئەڤان كاودانێن نەخوش ل سەر مللەتێ مە دەرباز بكەت، و ئەم ژی وەكی هەمی مللەتێن جیهانێ بگەهینە هیڤی و ئومێد خوە و خودێ كوردستانی ب پارێزیت.
