ل سەر دەمێ شۆڕەشا ئیلۆنێ پارتی هەردو جۆرێن رێكخستنێ یێن ژن و زەلامان ل كەمەكا هەبوون
سالار محەمەد دۆسكی:
1- 3
پێشمەرگەیێ هەر دو شۆڕەشێن ئیلۆن و گولانێ بوویە، پشتی نسكۆیا سالا 1975 دەربەدەری وەلاتێ ئیرانێ دبیت و گەلەك نەخوشیا ب چاڤێن خوە دبینت، دژیانا خوە دا گەلەك شەر و داستانا پشكداری تێدا كریە و گەلك جاران دەلیڤێن بەرتەنك كەفتیێ و هەتا مرنا خوە ژی گەلەك جاران دیتی یە، دبێژیت من ژیانا خوە دا گەلەك نەخوشی دیتی نە و هەتا نوكە من چ خوشی نەدیتی یە، بەحسێ بزاڤا رێكخستنێ و پێشمەرگەی دكەت ل دەڤەرێ و تایبەت ل گوندێ كەمەكا و ئاماژە دكەتە وێ چەندێ ب بارزانا بچوویك دهاتە ناڤكرن و نیاسین.
جونەید سلێمان كەمەكی، ئێك ژ پێشمەرگەیێن شۆڕەشێن ئیلۆن و گولانێ ل سالا 1948 ل گوندێ كەمەكا ل دەڤەرا دۆسكی یا ژ دایك بوویە، خواندنا خوە هەتا قوناغا سیێ ل گوندی خاندیە د دیدارەكێ دا بۆ رۆژناما ئەڤرۆ گۆت: ل دەسپێكا شۆڕەشا ئیلۆنێ شەر ل دەڤەرێ دەست پێ كر وی دەمی ژیەكێ بچووك ژی دابووم و مامۆستایێن مە ژ گوندی چوون و نەڤەگەرین 20/9 1962 چوومە ناڤ رێزێن پێشمەرگەیێ شۆڕەشا ئیلۆنا مەزن بوومە پێشمەرگە و بەری هینگی برایێ من پێشمەرگە بوو و ئەو ژ من مەزنتر بوو و هەتا لایێ ئاكرێ و مزیری و بەرواری ژووری یا بوو.
جونەید سلێمان كەمەكی، پێشمەرگەیێ هەر دو شۆڕەشێن ئیلۆن و گولانێ زێدەتر گۆت: دەمێ بوویمە پێشمەرگە هێشتا گەنج و زگورد بووم و چوونا من بۆ ناڤ پێشمەرگەی ب رێكا حەمو كەمەكی بوو و گەلەك پێشمەرگە ل گەل حەمو كەمەكی بوون و هندەك جاران بوونە 25 زەلام و هندەك جاران بوونە 50 زەلام و هندەك جاران بوونە 15 زەلام و دەسپێكێ تڤەنگەك داف من دگۆتنێ ئەلەمان و هاتم گۆتن كاغەزەكێ بۆ محەمەدێ عەلی لیلا بە ل دێ راگژنیك و من كاغەز بر و ل دەمێ زڤرینێ ل نێزیك گورستانێ من دیت كێرشكەك یا ل بەری من دچیت و من ژی تڤەنگا خوە سواركر و من گۆت دێ ئێكێ دانمێ ئەڤجا دێ هێتە كوشتن یان نە و ئەم هاتینە مالا جامێرەكی دگۆتنێ حەمیدێ ئەسعەد شەڤ بوو و دەمەكی ئەژی تڤەنگێ خەبتیم و من نەزانی و دەمەكی من دیت تڤەنگا من ژ دەست من دەركەفت و من گۆت یا من نەبوو و ئینكار من كر و خودانێ مالێ گۆت ئەڤە تڤەنگا تەیە و من هند دیت فیشكەك ژ بەر ئینا دەرێ ئەڤجا كێشێن هوسا ل ژیانا پێشمەرگاتیێ گەلەك جاران بۆ پێشمەرگەی دروست بوون.
جونەید سلێمان كەمەكی، گۆتژی: كورەكی دگۆتنێ سەدیق كورێ تاهری بوو نەمایە دژیانێ دا و تڤەنگا من یا وی بوو و تڤەنگەكا دی دابوو ڤێ ئنگلیزی یا درێژ و یا وی داف من و یا ب وی رەنگی نەبوو كو بچینە جەبهەی بەلكو دەسپێك بوو و هێشتا ئەم ل ژیەكێ بچووك بووین 20/9/ هاتە سۆتن و گوندێ كەمەكا سێ جاران هاتیە سۆتن ل شۆڕەشا ئیلۆنێ هەتا 25 زەلامێن كەمەكا گەهشت بوونە شۆڕەشێ و شۆڕەشا گولانێ زێدەتر لێ هاتن.
جونەید سلێمان كەمەكی، ئێك ژ پێشمەرگەیێن شۆڕەشێن ئیلۆن و گولانێ ئەو ژی ئاشكراكر كو ب درێژاهی یا شۆڕەشا ئیلۆنێ سەركردێ نەتەوا كورد ملا مستەفا بارزانی دو جاران سەرەدانا گوندێ كەمەكان كریە، جارا ئێكێ ل سالا 1962 هاتیە گوندێ كەمەكا وی دەمی پائیز بوو راوستیایە و هەتا نێزیكی گوندێ مەمانێ چوویە و زڤریە چوویە گەرماڤا حاجی ئاغا یا كوچەرا و دەمێ مایە ل گوندێ كەمەكا نڤست خانیێ عەبدوللا كەمەكی بوو كو دبیتە مامێ حەجی ناسر شەعبان كەمەكی ل وێرێ نڤست، هاتنا وی بۆ كەمەكا بۆ وێ چەندێ ڤەدگەریت رێكخستنەكا ب رێك و پێك یا پارتی دیموكراتی كوردستان ل ڤی گوندی هەبوو و دهاتە ناڤكرن ب بارزانا بچوویك ئێك دگۆتێ سەعید، رەسول ، ملا عەلی، سمائیل كەمەكی، مەجید كەمەكی ئەڤە هەمی پارتی بوون و گەلەك جاران وەكی ئاهەنگ دهاتنەكرن دا بێژن دێ چینە بارزان بچوویك ئانكو بەحسێ گوندێ كەمەكا بوو و رێكخستیێن كەمەكا گەلەك ئابوونێن حزبی ژی دان و نەوەكی ڤێگاڤێ و رێكخستی ژ هەر دو رەگەزا بوون و گەلەك ژن هەبوون ژ زەلامان ب وەفاتر.
جونەید سلێمان كەمەكی، ئێك ژ پێشمەرگەیێن شۆرەشێن ئیلۆن و گولانێ زێدەتر گۆت: كارێ رێكخستنێ دناڤبەرا گوندێ كەمەكا و گوندێن دەڤەرێ و هەتا باژێرێ دهۆكێ ژی دا دهاتەكرن بەلێ هەمی كار ب نهێنی دهاتەكرن چونكە وی دەمی حزبا بەعس گەلەك یا ئاریایی بوو
هێشتا گۆت: وی دەمی تێلی ئێكمالی، حەمو كەمەكی، سمائیل كەمەكی، ملا عەلی بەرۆشكی و هندەك مرۆڤێن دی گەهشتنە شۆڕەشێ ول گەل ملا مستەفا بارزانی چوونە ناڤ گولیان و جاب گەهشتێ كو ملا مستەفا هاتیە دەڤەرێ و ملا مستەفا نەچاركر و هەر دگۆتێ هێشتا زی یە و ئەوا دگۆتێ نە چوونە بەراهیێ سەر زێی و دەمێ مرۆڤ ژ ناڤ نێروەیان دقولپیت وێ دەڤەرێ چوونە بەراهیێ و حەمو كەمەكی دەرسوك بن رەختا دهاڤێتە سەر پشتا خوە و كولاڤەكێ تەحتی ل سەری بوو و خودێ ژێ رازی بیت ملا مستەفا بارزانی گۆتێ فەلە تو فەلێ كیریێ؟ گۆتێ فەلێ كەمەكا مە، ملا مستەفا بارزانی گۆتێ ما هندە فەلە كەمەكا هەنە؟ حەمو كەمەكی گۆتێ مانێ تویێ بێژیە من فەلە و مرۆڤەكێ سوحبەت خوش بوو.
