ل سەر رووبەرێ حەفت هزار مەترێن دوجار پاركەك ل قەسرۆكێ دێ هێتە چێكرن
سەرۆكێ باژێرڤانیا قەسرۆكی بۆ رۆژناما ئەڤرۆ دیار كر، بۆ زێدەكرنا رێژا كەسكاتی و چێكرنا جهێن بێهنڤەدانا گەنج و خێزانان، پاركەكا مەزن ل ناوچەداریا قەسرۆكێ دێ هێتە چێكرن.
غەیاس محەمەد، سەرۆكێ باژێرڤانیا قەسرۆكی ئاشكرا كر، ئەڤ پاركە ل سەر رووبەرێ حەفت هزار مەترێن دوجار یێن ئەردی و ب گوژمێ پتری 80 ملیۆن دیناران دێ هێتە چێكرن و گۆت: «نوكە ئەڤ پاركە د قووناغێن بجهئینانێ دایە، ل نزێك دێ كەڤیتە د خزمەتا خەلكێ قەسرۆكی دا».
ناڤهاتی گۆتژی: «ئەڤ پاركە ل سەر داهاتێ باژێرڤانیا قەسرۆكێ دێ هێتە چێكرن و ل دووڤ پلانا ئیدارا ناوچەداریا قەسرۆكێ، نوكە د قووناغا چێكرنێ دایە».
