ل سەر رێبازا بابێ خوە دچیت
ئەڤرۆ نیوز:
ستێرا تەپا پێ یا پرتوگالی ل ڤی وەرزی یێ ھەڤرکیێ دکەت ببیتە گولکەرێ خولا ئیتالیا ل گەل یانا خوە یوڤانتوس و ھەتا نوکە و پشتی بورینا 13 یاریان ژ خولێ شیایە نەە گولان توماربکەت کێمتر گولەکێ ژ سەرکێشێ سەرێ لیستا گولکەران کریستوف بیاتیک یاریزانێ یانا جنوا.
ل گەل ڤێ چەندێ گورێ کریستیانوی ژی رولەکێ مەزن یێ ھەی ل گەل تیما یوڤانتوس یا یاریزانێن ھەشت سالی و کێمتر و نوکە بویە ئێک ژ شەنگستێن تیما خوە پشتی ل ھاڤینا ئەڤ سالە ل گەل بابێ خوە ژ ریال ھاتیە ڤەگوھاستن و د یاریکرنەکێ دا ل ھەمبەر یانا سپارتا نوڤارا جونیور کورێ کریستیانوی شیا چار گولان بو تیما یوڤانتوس یا یاریزانێن ھەشت سالی کێمتر تومار بکەت و بو ھاندەرێ سەرکەفتنا تیما خوە ب شەش گولان بێ بەرامبەر.
دھێتە زانین بەریا نوکە کریستیانوی راگەھاندبوو وی باوەریەکا مەزن ب شیانێن کورێ خوە یێن ھەبیت ببیتە یاریزانەکێ جیھانێ ژبەرکو ب لەز فێردبیت.