ل سەر ڕووبەرێ 29 هزار دۆنەمان گەنم ل قەزا باتیفا هاتیە چاندن
زاخۆ، دلۆڤان هالۆ:
ل قەزا باتیفا یا سەر ب ئیدارەیا سەربخوە یا زاخۆ ڤە ل سەر ڕووبەرێ 29 هزار دونەمان گەنم ل قەزا باتیفا هاتییە چاندن، و ڕێژەكا زۆر یا ڤی گەنمی ب ئاڤا بارانان هاتییە ئاڤدان و ڕێژەكا كێم ژی ب ئاڤا دەستكرد هاتییە ئاڤدان و ل دەستپێكا هەیڤا بهێت دەمێ درینا گەنمی یە.
ئەندازیار حسنی سەلمان، بەرپڕسێ هۆبا چاندنێ ل قەزا باتیفا بۆ ڕۆژناما ئەڤرۆ دیار كر، ب شێوەیەكێ گشتی ڕووبەرێ چاندنا گەنمی ل دەڤەرا مە یا باتیفا نێزیكی 29 دونەمانە و ژ سەرجەمێ ڤی ڕووبەری نێزیكی 26 هزار دونەمان گەنم ب دێمی هاتییە چاندن و پشتبەستنێ ب ئاڤا بارانان دكەت.
ناڤهاتی ئاماژە ب وێ چەندێ ژی كر، ل سەر ڕووبەرێ 2 هزار و 550 دونەمان گەنم ب ڕێكا ئاڤدانا دەستكرد دهێتە ئاڤدان، گەنمێ مە یێ قەزا باتیفا یا باشە چونكی دەڤەرا مە یا چیایی یە و سەرجەمێ بارانێن ئەڤ سالە هاتین ژی یا باشە كو نێزیكی 290 ملم باران ل دەڤەرا مە هاتینە.
زێدەتر ژی گۆت: «ئەڤ سالە ب ڕێژا ٨٥٪ ژ گەنمێ دەڤەرا دێ هێتە درینێ و ئەو ڕێژا نە هێتە درین ژی یا كێمە، و دەمێ درینا گەنمی ژی د ناڤبەرا 1 هەتا ٥ی هەیڤا شەشە».
