ل شنگالێ دەست ب ڤەكرنا گۆڕەكێ ب كۆم هاتە كرن
دهۆك، لەزگین جۆقی:
دەستەیا ڤەكۆلین و كۆمكرنا بەلگەنامەیان ل پارێزگەها دهۆكێ راگەهاند، دوهی 17/11/2025 دەست ب ڤەكرنا گۆڕێن ب كۆم ل شنگالێ هاتە كرن، كار ل سەر لێگەڕیان و ڤەكرنا گۆڕێن بكۆم بەردەوامە.
شاكر میرانی، ئەفسەرێ دەستەیا ڤەكۆلین و كۆمكرنا بەلگەنامەیان ل پارێزگەها دهۆكێ بۆ رۆژنامەیا ئەڤرۆ گۆت: «دوهی دەست ب ڤەكرنا گۆڕەكێ بكۆم ل شنگالێ هاتە كرن، لێ هێشتا دیارنینە چەند روفات د ناڤ دانە، هەتا نوكە 129 گۆڕێن ب كۆم و تاكە كەسی ل دەستەیا ڤەكۆلین و كۆمكرنا بەلگەنامەیان هاتینە تۆماركرن و هێشتا هەمی گۆڕێن بكۆم نەهاتینە ڤەكرن و كار ل سەر ڤەكرنا گۆڕێن بكۆم یا بەردەوامە، دیسا هەتا نوكە پتر ژ 68 گۆڕێن بكۆم هاتینە ڤەكرن».
