ل شنگالێ 20 روفات ژ ناڤ گۆڕێن ب كۆم هاتنە دەرئێخستن
دهۆك، لەزگین جوقی:
دەستەیا ڤەكۆلین و كۆمكرنا بەلگەنامەیان ل پارێزگەها دهۆكێ دیاركر، 20 روفات ژ ناڤ 11 گۆڕێن ب كۆم ژ نوو ل شنگالێ هاتنە دەرئێخستن، هەموو روفاتێن قوربانیێن جینۆسایدا شنگالێ نە و بۆ نۆشداریا داد ل بەغدا هاتنە هنارتن.
شاكر میرانی، ئەفسەرێ دەستەیا ڤەكۆلین و كۆمكرنا بەلگەنامەیان ل پارێزگەها دهۆكێ بۆ ئەڤرۆ گۆت: «ل شنگالێ 129 گۆڕێن ب كۆم و تاكە كەسی ل دەستەیا ڤەكۆلین و كۆمكرنا بەلگەنامەیان هاتینە تۆماركرن، هێشتا هندەك گۆڕێن ب كۆم ماینە و نەهاتینە ڤەكرن، هەمی ڕۆفاتێن دناڤ گۆڕێن ب كۆم دا بۆ نۆشداریا داد ل بەغدا هاتینە هنارتن بۆ ئاشكرابوونا ناسنامەیێن وان، پشتی ناسنامەیێن وان ئاشكرا دبن دێ روفات رادەستی كەسوكارێن قوربانیان هێنە كرن».
