ل شۆڕەشا ئیلۆنێ كار گەلەك ب نهێنی دهاتنەكرن و حوكمەتا ئیراقێ پێزانین ل سەر بزاڤێن پێشمەرگەی نەبوون
دیدار، سالار محەمەد دۆسكی:
هەمان پێشمەرگە گۆتژی: پێشمەرگێن هێزا دهۆك و ب مەرەما پتر زالبوون ل سەر دوژمنی و پارسەنگا هێزێ بۆ بەرژوەندا شورەشێ ب گوهورین و هێزێن حوكمەتا ئیراقێ ل ڤی سنوری زێدەتر لاواز بكەین ووەریا پێشمەرگەی و خەلكێ دەڤەرێ زێدەتر بلند بكەین ول جهێ جەبهەی بریار هاتەدان هێرشی كێلیا شەدایێ بكەین كو ئاسێ ترین سەنگەرێ رژێما بەعس بوول دەڤەرا دهۆك و ئێكەم جار بوو پێشمەرگە هزر ل وێ چەندێ بكەن كو هێرشێ بكەنە سەر سەنگەرەكێ ئاسێ یێ لەشكرێ ئیراقێ ل دەڤەرا دهۆك ڤێ ئارمانجێ تەكبیرێن باش هاتنەكرنو هەفكاریا مەزن دناڤبەرا هێزا دهۆك و ئامێدیێ و زاخۆ هاتەكرن و بەری هەر تشەكی دەست ب كومكرنا پێزانینان هاتەكرن، ئامر سریەكێ هێزا دهۆك بناڤێ(مستەفا عەبدوالقادر لیناڤای) یێ كو رۆلەكێ كاریگەر هەی دڤێ هێرشا پێشمەرگەی دا و ئەڤان پێشمەرگان پشكداری دڤێ هێرشێ دا كر (محەمەد حەسەن باجلوری، مستەفا لیناڤایی، سەعدی گەرماڤی، خالدێ شرینێ، سماهیل جبرائیل لیناڤیی ،حكمەت نەجات دهۆكی، حەیدەر گەرماڤی، مستتەفا پشگری، سالح پشتگری، سەعید پیرۆ پاسی، مراد باجلوری، عەگید باجلوری، قادر محەمەد قادر باجلوری، حەسەن تاها قارقارەڤایی، كەمال كێستەی) گەلەك پێشمەرگێن دی ژی مخابنی ڤە ژێدەر بدەست من نەكەفتینە، هێزا ئامێدیێ سەرپەرشتیا ( سەید صالح چەم سەیدی) توپا (107ملم) و هێزا زاخۆ چەندین پێشمەرگێن زیرەك و چەلەنگ بەرهەفكربوون، ل گەل رۆژئاڤابوونێ هێدی هێدی پێشمەرگەی جهێن خوە گرتن و ئێكەم جار توپچیان ب توپا (107ملیم) ب دژواری كێلیا شەدایێ توپ بارانكر و دووڤ دا ب ئارپێچیا حەفت و رەشاش برنوویێ هێرش كر و دووڤ دا پێشمەرگەی ب چەكێ سڤك هێرش كر و ئێكسەر ئەو جهێ لەشكەرێ عیراقێ هاتە راكرن و گەلەك ژێ هاتن كوشتن و ئەوێن مای ژی رەڤین و پێشمەرگەی پێزانین ل سەر تورێن ئەلغاما نەبوون و پێشمەرگە كەفتنە ناف تورێن ئەلغامان ل دەردورێن وی جهی و ئێكەم پێشمەرگێ ب دژواری هاتیە برینداركرن (حەیدەر عەبدوللا حەمو گەرماڤی) بوو و چونكە گەلەك من بوون پێشمەرگەی ڤەگەریا و بەر ب پێش ڤە نەچوو، و رۆژا دووڤ دا هێزەكا مەزن یا لەشكەرێ عیراقێ هاتنە ڤی جهی ڤە و موكمكرە ڤە، ژ بەر گرنگیا كێلیا شەدایێ ئەڤ جهێ ستراتیجی ب بوو جهێ گرنگیا هێزا دهۆك و بریار ئەو بوو ب هەر رێكەكا هەبیت دڤێت ئەڤ جهە بهێتە گرتن و ستاند و نابیت حوكمەت بهێتەتێدا و گەلەك پێڤە نەچوو بۆ جارا دووێ پێشمەرگەی پلانا هێرشكرنێ بۆ سەر ڤێ رەبیێ دانا و كومبوونەك هاتەكرن دناڤبەرا (عەلیێ خەلیل خوشەڤی، سەلیم ئەسعەد خوشەڤی، عەبدولرزاق گەرماڤی، بابەكر زێباری، سەید سالح چەم سەیدی، فارس كورەماركی، محەمەد حەسەن باجلوری، قادر ئالەكینی، نەعمو سەمەد)، و ب هوووری نەخشێ هێرشكرنێ بۆ جارا دووێ هاتەدانان و هەر دو هێزێن دهۆك و ئامێدیێ بۆ هێرشكرنێ هاتنە راسپاردن و سەید سالح چەم سەیدی دێ سەرپەرشتیا توپا (107ملم) كەت یا نوری شێلازی بەرپرسێ وێ و چەند توپچی ل گەل دا وبریارهاتەدان پێشمەرگێن هێزا دهۆك كێلیا شەدایێ بگرن و رادەستی پێشمەرگێن هێزا ئامێدیێ بكەن ، چونكە ئەو دەڤەر سنورێ جەبهێ هێزا ئامێدیێ بوو، ژڤان ئەو بوو بەری نیف دەژمێرێ بەری بانگێ مەغرب دەست ب هاڤێتنا توپا بهێتەكرن و 30 پێشمەرگە بۆ هێرشكرنێ هاتبوونە دەست نیشانكرنو (8) ژێ ئامر بەتلیون بوون وئامر سری بوون و باراپتر هەر ئەو پێشمەرگە بوون یێن جارا ئێكێ هێرش كرینو فەرماندا بەرینكانەدكر و هەر ئێكی دڤیا ئەو پشكداریێ دڤێ چەلەنگیێ دا بكەت و مستەفا عەبدولقار لیناڤایی ئامر سری بوو و رۆلەكێ هەرە مەزن هەبوو دهاڤێتنا ئارپێچیا حەفت دا و پێشمەرگەی هێرش كر و بەری بانكێ مەغرەب و سەركەفتن و ئەڤ سەنگەرێ دوژمنی ب تەمامی ژناڤبر و قادر ئالەكینی ل گەل پێشمەرگەی رابوون و هێرش كر و نەهێلان هەر كەسەك ژ قورتال بیت و هەمی هاتنە كوشتن و پێشمەرگەی ب سەركەفتیا نە خوە ڤە كێشا و رۆژا دووڤ دا حوكمەتا ئیراقێ ب فرۆكان و هێزەكا مەزن هاتە كێلیا شەدایێ و توپ برانكر و گرتە ڤە و پێشمەرگە ڤەگەریانە بارەگایێ عەلیێ خەلیل ل گوندێ بادێ و بەحسێ سەركەفتنا خوە كرو ئەو چالاكیا مەزن یا ئەنجام داین، توپخانا هێزا دهۆك چو تەناهی رحەتی نەبوو بەردەوام دشەران دا بوو و چو ئالوگوریا وان ژی نەبوو پشتی هێرشێن پێشمەرگەی بۆ سەر كێلیا شەدایێ توپچیێن هێزا دهۆك دژوار ژ جاران توپبارانكرنا ئەڤان جهێن لەشكرێ ئیراقێ كرن، لێدانەكا بەردەوام یا قەسركێ ل هنداف دهۆكێ، لێدانەكا بەردەوام یا لیوا دهۆكێ پشتی ئەڤان روودانا گەرمە گەرما شەری یە ئامر هێزا دهۆك عەلیێ خەلیل جابا من هنارت و ئەز و عومەر محەمەد ئەمین باجلوری چووینە نك عەلیێ خەلیل ل بارەگایێ دەمكیێ هێزا دهۆك ل گوندێ بادێ ل ناڤ رەزێ عەبو زەینەبا، ژ ئەنجامێ توپبارانكرنا هەوە یا بەردەوام بۆ سەر لیوا (18) یا دهۆك ئەڤە چەندین ئەفسەر و پایەبلندێن لەشكرێ ئیراقێ وێ دەڤەرێ هاتنە كوشتن و ترس و لەرزینەكا مەزن كەفتیە دناڤا لەشكرێ ئیراقێ دا و لدیف پێزانینان لیوا دهۆك پتریا جهێن خوە بەرداینە و یێ ژ لیوایێ دەردكەڤن و چنە ناف ئەوان چەمێن دەوروبەر و توزانی من بۆچی جابا تە هنارتیە من گۆتێ نەخیر، كێلیا شەدیێ ئەڤە چەندین جاران پێشمەرگەی هێرشكر و ستاند و نەشێن تێدا بمینن و سەحكە جهەكی تتوپەكا (120 ملم) لێدە و نەهێلە ئەو بهێنە تێدا و ئەگەر (20) گولان ب هاڤێژی و ئێكێ لێدەی دێ بووتە حساب كەم تە یا ئێكێ یا لێدەی، و من گۆتێ پشت راسبە دێ وەكەم وپشتی ڤەگەریایم من جهێ خوە ل (كلوخێ مێشێ) ل پیرۆمەرا دانا و رۆژا دووڤ دا ب توپا (120ملم) ژ سەرێ گەلیێ غازی و دنافبەینا كوپێ رەنیێ و كەلها پیرۆمەرا مە توپا خو دانا و ل سەر 3600 میترا مە هاڤێتە كێلیا شەدایێ و گولا سیێ مە ل نیڤا رەبیا كێلیا شەدایێ داو چەندین گولە مە دووبارەكرن و لێدان و ئەو سەنگەر ب عەسكەر ڤە هاتە ژناڤبرن و ئەڤێ چەندێ وریایەكا مەزن دناڤا پێشمەرگەی دا دروستكر و گەلەك كەیفا وان هات و هێزێن دوژمنی ژی ل دهۆكێ تووشی ترس و لەرزینەكا مەزن بوون.
