ل شێخان رۆژا جیهانى یا زارۆیان ب چه‌ندین چالاكیان هاتە ساخكرن
ئه‌ڤرۆ نیوز ،بارزان مزوورى:
جه‌میل عەبدوللا رێڤه‌به‌رێ چاڤدێرى و گه‌شه‌پێدانا جڤاكى ل قه‌زا شێخان دیار كر كو ئه‌ڤرۆ ده‌مژمێر 10 سپێدێ 31/5/2018 ب هه‌لكه‌فتنا رۆژا جیهانیا یا زارۆیان و لژێر چاڤدێریا (سەردار یەحیا عەبدولعەزیز) قائیمقامێ قه‌زا شێخان چه‌ندین چالاكى هاتنە ئه‌نجام دان.
جه‌میل عەبدوللا رێڤه‌به‌رێ چاڤدێرى و گه‌شه‌پێدانا جڤاكى ل قه‌زا شێخان بۆ ئه‌ڤرۆ نیوز دیار كر كو ژوان چالاكیا خه‌لات كرنا 100 زاروكێن بێ دایك و باب یێن مالا هێلینا سێویان ئه‌و زاروكێن د شه‌رێ دژى داعش ده‌یك و باب و كه‌س و كارێن وان هاتین كوشتن بێ سه‌روشین كرن ل گه‌ل زارویێن ئاواره یێن وان كه‌مپێن ل شێخان دژین ل گه‌ل زاروكێن بنجه‌ه یێن ناڤ سه‌نته‌رێ باژێرى ل گه‌ل ئه‌نجام دانا كونسێرته‌كا هونه‌رى ژلایێ تیپه‌كا زارۆیێن ئاواره و شانوگه‌ریه‌كێ هه‌ر ژ لایێ زارۆیان ڤه هاتیه به‌رهه‌ڤ كرن.
ناڤهاتى خویاكر كو ئه‌ڤ رۆژه دكه‌ڤیته 1/6 ژبه‌ركو دكه‌ڤیته د رۆژا ئه‌ینى دا له‌وما ئه‌م رابوین ئه‌ڤێ چالاكیێ د ئه‌ڤرۆدا ئه‌نجام ده‌ین.
