ل شێخان هزار پارچەیێن ئەردی دێ هێنە بەلاڤكـرن
دهوك، لەزگین جوقی:
سەرۆكێ باژێرڤانیا شێخان دیار كر، هەمی ئامادەكاری بۆ بەلاڤكرنا پارچەیێن ئەردی ل شێخان هاتینە كرن و د دەمەكێ نێزیك دا ل سەر فەرمانبەران دی هێنە بەلاڤكرن.
ئەندازیار خالد نەرمۆ، سەرۆكێ باژێرڤانیا شێخان بۆ ئەڤرۆ خویا كر، ل سەنتەرێ دەڤەرداریا شێخان هزار پارچەیێن ئەردی بۆ بەلاڤكرنێ ل سەر فەرمانبەران هاتینە ئامادەكرن و گۆت: «ئەو ئەردە ژی دكەڤیتە نێزیك شوقەیێن كێمدەرامەتان ل شێخان، جهەكێ گەلەك باشە بۆ ئاكنجیبوونێ، هەمی رێكار تەمام بووینە».
گۆتژی: «دەمی پارچەیێن ئەردی ل سەر فەرمانبەران دهێنە بلاڤكرن، پڕۆژەیێن خزمەتگوزاری دێ گەهنە وان پارچەیێن ئەردی، داكو خەلك بشێت بۆ خۆ ئاڤا بكەن».
